Нигаронии Рамазон Раҳимзода аз паҳншавии ҳаббҳои (таблеткаҳои) ҷунуновар дар байни ҷавонон
ДУШАНБЕ, 14.02.2020 /АМИТ «Ховар»/. Аз паҳншавии ҳаббҳои (таблеткаҳои) ҷунуновар дар байни ҷавонон Вазири корҳои дохилии Ҷумҳурии Тоҷикистон Рамазон Раҳимзода изҳори нигаронӣ кард. Генерал-полковники милитсия дар нишасти хабарӣ дар Душанбе имрӯз зимни натиҷагирӣ аз фаъолияти фаврӣ-хизматии мақомоти корҳои дохилии мамлакат гуфт, ки вақтҳои охир паҳншавии ҳаббҳои ҷунуновар дар байни ҷавонон, хусусан дар тарабхонаҳо ва марказҳои дилхушии ҷумҳурӣ авҷ гирифтааст.
Вазир афзуд, ки дар натиҷаи андешидани тадбирҳои фаврӣ аз ҷониби кормандони мақомоти корҳои дохилии мамлакат соли гузашта 6 гурӯҳи муташаккили ҷиноятӣ дар ҳайати 17 нафар дастгир гардид, ки аз онҳо 2 ҳазор ҳаббҳои ҷунуновар мусодира гардид.
Бо дахли муомилоти ғавйриқонунии воситаҳои маводи нашъаовар Вазири корҳои дохилӣ гуфт, ки гардиши воситаҳои нашъадор барои гурӯҳҳои муташаккили ҷиноятӣ, хусусан барои ташкилотҳои террористӣ манбаи асосии даромад буда, он ба солимии ҷомеа ва генафонди миллат хатари ҷиддӣ дорад. Танҳо соли гузашта аз тарафи кормандони мақомоти корҳои дохилии ҷумҳурӣ 518 кг воситаҳои нашъадор мусодира ва беш аз 1 миллиону 900 ҳазор ниҳолҳои бангдонаи кошташуда дарёфт ва нобуд гардид, ки миқдори он 3 тонаву 278 кг-ро ташкил дод. Ин омор дар ҳолест, ки соли 2019 мақомоти қудратии Тоҷикистон дар маҷмӯъ 508 ҷинояти марбут ба муомилоти ғайриқонунии воситаҳои нашъаоварро ба қайд гирифтанд, ки дар натиҷа аз гардиши ғайриқонунӣ 1 тоннаву 637 кг воситаҳои нашъадор дарёфт ва мусодира гардида, 16 гурӯҳи муташаккили нашъаҷалоб муайян ва дастгир шуданд.
Бо дахли вазъи нашъамандӣ дар мамлакат Вазири корҳои дохилии ҷумҳурӣ аз коҳиш ёфтани сатҳи нашъамандӣ дар мамлакат хабар дод. Рамазон Раҳимзода зикр кард, ки шумораи нашъамандон дар ҷумҳурӣ алҳол 5 ҳазору 500 нафар буда, аз он 115 нафарашонро занон ташкил медиҳанд. Вазъи нашъамандӣ дар ҷумҳурӣ дар қиёс нисбат ба соли 2018 949 нафар коҳиш ёфта бошад, аммо ҳамоно дар ҷумҳурӣ ташвишовар боқӣ мемонад, гуфт вазир.
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
