Аъзои Маҷлиси миллӣ кодексҳои об ва нақлиёти Ҷумҳурии Тоҷикистонро баррасӣ ва ҷонибдорӣ намуданд
ДУШАНБЕ, 19.03.2020. /АМИТ «Ховар»/. Кодекси оби Ҷумҳурии Тоҷикистон, Кодекси нақлиёти Ҷумҳурии Тоҷикистон, ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон ва Қонуни Ҷумҳурии Тоҷикистон «Дар бораи хизматрасониҳои давлатӣ» имрӯз дар иҷлосияи бисту дуюми палатаи болоии Парлумони Тоҷикистон – Маҷлиси миллӣ баррасӣ ва ҷонибдорӣ гардиданд. Дар ин хусус хабарнигори АМИТ «Ховар» иттилоъ медиҳад.
Раисони кумитаҳои Маҷлиси миллӣ масъалаҳои баррасишударо тавзеҳ дода, зикр намуданд, ки ҷонибдории кодексҳои об ва нақлиёти Ҷумҳурии Тоҷикистон аз ҷониби аъзои Маҷлиси миллӣ муносибатҳои ҷамъиятиро дар соҳаи об ва нақлиёт дар Ҷумҳурии Тоҷикистон ба танзим медароранд. Инчунин ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон ба таҳкими мурофиаи суди иқтисодӣ ва дар маҷмӯъ ҳокимияти судӣ дар мамлакат равона гардидааст.
Ҳамзамон дар назди аъзои Маҷлиси миллӣ Прокурори генералии Ҷумҳурии Тоҷикистон Юсуф Раҳмон «Дар бораи назорати риояи дақиқ ва иҷрои якхелаи қонунҳо дар ҳудуди Ҷумҳурии Тоҷикистон дар соли 2019» ҳисобот дод.
Дар иҷлосияи бисту дуюми Маҷлиси миллӣ инчунин масъалаҳои марбут ба сохти ҳудудию маъмурии Ҷумҳурии Тоҷикистон, аз ҷумла, «Оид ба тағйир додани сарҳадҳои шаҳри Душанбе ва ноҳияи Рӯдакӣ», «Оид ба тағйир додани сарҳадҳои шаҳраки Балх, деҳоти Ҳалеварди ноҳияи Ҷалолиддини Балхӣ ва ба ҷойи дигар кӯчонидани маркази маъмурии деҳоти Ҳалевард» баррасӣ ва ҷонибдорӣ гардиданд.
Инчунин бо қарорҳои Маҷлиси миллии Маҷлиси Олии Ҷумҳурии Тоҷикистон муовини якуми Раиси Маҷлиси миллӣ
Раҷаббой Аҳмадзода, муовини Раиси Маҷлиси миллӣ Ёдгор Файзов, раисони кумитаҳои Маҷлиси миллии Маҷлиси Олии Ҷумҳурии Тоҷикистон Озода Раҳмон, Фарҳод Раҳимӣ, Муҳаммадюсуф Имомзода, Раҳмоналӣ Амирзода, аъзои Маҷлиси миллӣ Арамбегим Маҳтобшозода, Меҳриниссо Бобобекова, Қаноатшо Лоиқзода, Саёҳат Дадаҷонова, Наргис Раҳмонова ва Раҳмон Шораҳматов бо Ифтихорномаи Маҷлиси миллии Маҷлиси Олии Ҷумҳурии Тоҷикистон сарфароз гардиданд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Рустами Эмомалӣ дар Тошканд бо Нақшаи генералии лоиҳаи шаҳрсозии «Тошканди нав» шинос шуданд
Рустами Эмомалӣ дар назди муҷассамаи Истиқлолият дар боғи «Узбекистони Нав» гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Узбекистон
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
