Барои кӯдакон филми тасвирӣ оид ба пешгирии коронавирус таҳия шуд
ДУШАНБЕ, 27.03.2020. /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, инчунин бо дастгирии молиявии Фонди кӯдакон ЮНИСЕФ ҷиҳати бурдани корҳои фаҳмондадиҳӣ ва пешгирикунанда оид ба бемории коронавирус барои кӯдакони аз 5-сола боло филми тасвирӣ манзур намудааст.
Тавре сардори Маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Умеда Юсуфӣ дар суҳбат бо мо иброз намуд, ҳадафи асосии таҳияи филм ба кӯдакон нишон додани роҳҳои ҳифз ва риояи тозагӣ мебошад, то ки аз ин беморӣ эмин бошанд.
Мавсуф зикр намуд, ки тариқи ин филмҳо ба кӯдакон имконият дода мешавад, ки онҳо қоидаҳоеро, ки аз ҷониби Кумитаи ҳолатҳои фавқулода, Вазорати тандурустӣ ва ҳамчунин аз ҷониби Созмони умумиҷаҳонии тандурустӣ барои пешгирии коронавирус пешкаш шудаанд, бо чашми худ бинанд ва дарк намоянд, ки риояи ин қоидаҳо ҳатмӣ аст. Дар баробари ин филм барои волидайн низ имкони хубест, то пас аз тамошои он ба кӯдакон фаҳмонанд, ки риояи қоидаҳои пешгирии коронавирус муҳим мебошад.
Бояд гуфт, ки филми мазкур ҳам дар сомонаи Кумитаи ҳолатҳои фавқулода ва ҳам дар шабакаи иҷтимоии YouTube бо ду забон: тоҷикӣ ва русӣ гузошта шудааст.
Ҳамчунин Вазорати тандурустии мамлакат низ таъкид менамояд, ки бо риоя намудани қоидаҳое, ки дар видеои мазкур оварда шудаанд, метавонем худ ва наздиконамонро аз гирифтор шудан ба бемориҳои сироятӣ, махсусан коронавирус эмин нигоҳ дорем. Аз ин рӯ, аз шаҳрвандон хоҳиш карда мешавад, ки видеои мазкурро тамошо карда, тибқи қоидаҳои дар он зикршуда амал намоянду худ ва наздиконашонро аз гирифтор шудан ба коронавирус эмин нигоҳ доранд.
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
