Дар Донишкадаи давлатии санъати тасвирӣ ва дизайн Фестивали мӯд-2020 баргузор гардид
ДУШАНБЕ, 20.03.2020. /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон 19 март таҳти унвони «Аз Наврӯз то Наврӯз» Фестивали мӯд-2020 баргузор гардид.
Фестивали мазкур бо мақсади рушди бозори касбу ҳунар, санъат, нигоҳдории анъанаҳои миллӣ доир гардида, дар он донишҷӯёни Донишкадаи технологӣ ва менеҷменти инноватсионии шаҳри Кӯлоб, Донишкадаи технологии шаҳри Душанбе ва Коллеҷи рассомии ба номи М. Олимов иштирок намуданд.
Донишҷӯён дар тарҳи либосҳои офаридаи хеш аз матоъҳои рангоранги миллӣ бо услуби замонавӣ истифода намуданд, ки аз ҷониби иштирокдорон хуб пазируфта шуд.
Ба андешаи иштирокдорони Фестивал, либоси миллӣ як рукни фарҳанги миллат ба шумор рафта, ёдгоре аз гузаштагон аст. Либоси миллии мо дар тӯли қарнҳо зебоиашро гум накарда, рушд ёфта, боз ҳам шинамтар гардидааст.
Бо эълон гардидани Солҳои рушди деҳот ва ҳунурҳои мардумӣ дар мамлакат таваҷҷуҳи одамон ба эҳёи ҳунарҳои мардумӣ ва ташвиқу тарғиби либоси миллӣ зиёд гардидааст. Яке аз нишонаҳои асосии фарҳангу тамаддуни миллатҳои мухталифи дунё либоси миллии онҳост, аз ин рӯ зан-модари тоҷик дар ҳама давру замон посдори оину анъанаҳои муқаддаси миллат маҳсуб мешавад.
Дар офаридаҳои донишҷӯён зимни намоиш гулдӯзии чакан бештар дида мешуд. Зеро пироҳани чакан рамзи рангорангии ҳаёт ва хушиҳои зиндагӣ буда, дар он гўё гулҳои рангоранги табиати зинда бо таровати хосса хеле ҷаззобу назаррабо ба ҷилва меоянд.
Мояи ифтихор аст, ки яке аз либосҳои миллии тоҷиконаи мо- гулдӯзии чакан ба номинатсияи мероси фарҳангии созмони ЮНЕСКО ворид гардидааст. Чакан ва чакандӯзӣ ҳунари мардуми ҷануби Тоҷикистон буда, дар он фалсафаи либос ва ашёи дигари рӯзгор истифода мешавад. Аҷдодони бузурги мо- ориёиҳо офтобро муқаддас дониста, онро ҳамчун рамзи меҳр истифода мебурданд. Дар пироҳанҳои чакан «косагул» бештар гулдӯзӣ мешавад, ки он аз таърихи куҳан доштани чакани тоҷикон шаҳодат медиҳад.
Дар фарҷом ба иштирокдорони фаъоли Фестивали мӯд-2020 диплому ифтихорнома ва туҳфаҳои пулӣ тақдим гардиданд.
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
