Дар Хонаи пиронсолони шаҳри Душанбе базми наврӯзӣ доир гардид
ДУШАНБЕ, 20.03.2020 /АМИТ «Ховар»/. Бо супориши Раиси шаҳри Душанбе Рустами Эмомалӣ бахшида ба Иди Наврӯз дар тамоми муассисаҳои иҷтимоӣ — хонаи пиронсолон ва мактаб-интернатҳои пойтахт дастурхони идона густурда шуда, барномаҳои рангини наврӯзӣ пешкаши бошандагону тарбиятгирандагони онҳо мегардад. Гурӯҳи ҳунармандони Клуби марказонидашудаи назди Раёсати фарҳанги шаҳри Душанбе дар ҳамкорӣ бо Маркази кӯдакон ва наврасони шаҳри Душанбе чунин як барномаи фарҳангиро дар хонаи пиронсолони пойтахт барпо намуданд.
Тавре аз Раёсати фарҳанги шаҳри Душанбе ба АМИТ «Ховар» хабар доданд, санъаткорони гурӯҳи марказонидашудаи назди Раёсат дар назди бошандагони Хонаи пиронсолон бо суруду таронаҳои наврӯзӣ ҳунарнамоӣ намуда, гулдухтарони наврас бо рақсҳои ҷолиб хотири онҳоро шод намуданд. Бошандагони Хонаи пиронсолон дар баробари ҳунармандон суруд хонда, мерақсиданду шодӣ мекарданд.
«Пиронсолон аз тамошои ин барномаи фарҳангии мо изҳори хушҳолӣ намуда, ба Раиси шаҳри Душанбе Рустами Эмомалӣ, санъаткорон ва наврасон изҳори миннатдорӣ менамуданд. Воқеан ҳам аз дидани шодию нишоти онҳо мо низ худро хушҳол дарёфтем. Охир яке аз анъанаҳои асосии Наврӯзи бостонӣ ин дасти касеро гирифтан, ба касе шодию хурсандӣ бахшидан аст»,- гуфтанд баргузоркунандагони барномаи фарҳангӣ.
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
