Хоруғ: дастаи Маркази тайёрии олимпии вилоят дар мусобиқаи баскетбол мақоми аввалро гирифт

Март 6, 2020 15:14

ХОРУҒ, 06.03.2020 /АМИТ «Ховар»/. Дар толори Қасри варзиши шаҳри Хоруғи Вилояти Мухтори Кӯҳистони Бадахшон бо ибтикори Раёсати ҷавонон ва варзиш мусобиқаи вилоятӣ аз намуди баскетбол байни дастаҳои занона баргузор гардид. Ин мусобиқа, ки  ба Рӯзи Модар бахшида шуд, бо пирӯзии дастаи Маркази тайёрии олимпии вилоят анҷом пазируфт. Ин дастаи мунтахаби баскетболбозони вилоят соли гузашта дар мусобиқаи ҷумҳуриявӣ низ мақоми аввал ба даст оварда буд.

Дар мусобиқа, ки  як ҳафта давом кард, ҳашт даста аз шаҳру ноҳияҳои вилоят ширкат намуданд. Ба бозии ниҳоӣ баскетболбозони дастаи мактаби варзишӣ ва Маркази тайёрии олимпӣ роҳхат гирифтанд. Ҳарчанд ҳарду даста ба ин мусобиқа бо омодагии комил ҳозир шуда, аз худ маҳорату истеъдоди баланд нишон доданд, аммо азбаски бозингарони дастаи Маркази тайёрии олимпӣ чанд сол пай дар пай дар мусобиқаҳои ҷумҳуриявӣ ширкат доштанду таҷрибаи зиёд ҳосил кардаанд, дар ин бозӣ пирӯз шуданд.

Сардори Раёсати ҷавонон ва варзиши вилоят Сураҷ Чоршанбиев гуфт, ки “аслан ин намуди бозӣ ба ҷуз шаҳри Хоруғ ва ноҳияи Шуғнон дар дигар ноҳияҳои вилоят чандон рушд накардааст. Аз ин рӯ ба масъулини бахшҳои ҷавонону варзиши ноҳияҳои вилоят  зарур аст, ки таваҷҷуҳи духтарону занонро ба ин намуди варзиш бештар ҷалб намоянд. Ҳар қадар теъдоди бозингарон зиёдтар шавад, ҳамон қадар барои мураббиён  ташкили дастаҳои мунтахаб осонтар мегардад.

Ҳамин тавр пас аз панҷ рӯз ин мусобиқа ба охир расид. Сардори Раёсати ҷавонон ва варзиши вилоят  ҳамаи духтарону бонувонро бо Рӯзи Модар ва дастаи баскетболбозони Маркази тайёрии олимпиро бо пирӯзӣ табрик намуда, баён дошт, ки мақсад аз баргузории чунин мусобиқаҳо, пеш аз ҳама, солимии ҷисм ва дуюм  такмил додани маҳорату  истеъдоди варзишгарон аст, то онҳо  тавонанд дар мусобиқаҳои ҷумҳуриявӣ  ва минтақавӣ  мақоми ифтихорӣ ишғол намоянд.

Дастаи занони баскетболбози Маркази тайёрии олимпӣ дар сархати ҷадвали мусобиқа ҷо гирифт. Ҳоло дастаи мазкур қаҳрамони Тоҷикистон аз намуди баскетбол ба шумор меравад.

Сармураббии  даста Сарфароз Алимшоев гуфт, ки “мо дар назди худ вазифа гузоштаем, ки дар мусобиқаҳои байналмилалӣ низ ширкат ва шарафи варзишии давлати худро ҳифз намоем”.

Ҷои дуюмро дастаи Мактаби варзишии шаҳри Хоруғ ва мақоми сеюмро дастаи литсеи Оғохон ишғол намуданд.

Март 6, 2020 15:14

Хабарҳои дигари ин бахш

Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад