КИ ҲХДТ дар шаҳри Хуҷанд: «Модар сарчашмаи ҷовидонаи сидқу вафо ва нахустин мураббии мост»
ДУШАНБЕ, 06.03.2020 /АМИТ «Ховар»/. Ба истиқболи ҷашну баҳору зебоӣ – Рӯзи Модар дар Қасри фарҳанги шаҳри Хуҷанд бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Хуҷанд ҷамъомади идона доир гардид. Дар ин бора аз маркази иттилоот ва таҳлили КИ Ҳизби Халқии Демократии Тоҷикистон дар шаҳри Хуҷанд ба АМИТ «Ховар» хабар доданд.
Дар ҷамъомад раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Наим Маликисломӣ баён дошт, ки тақвияти мавқеи занон дар ҷомеа ва боз ҳам баланд бардоштани сатҳи иштироки онҳо дар фаъолияти мақомоти давлатӣ, фароҳам овардани шароит барои донишомӯзӣ ва касбомӯзии занону духтарон ва ба шуғли доимӣ фаро гирифтани онҳо, такмили механизмҳои таъмини дастрасии занон ба захираҳои иқтисодӣ ва рушди соҳибкории занон тавассути ҷудо намудани қарзҳои имтиёзнок ва грантҳои давлатӣ аз ҳадафҳои асосии барномавии Ҳизби Халқии Демократии Тоҷикистон буда, дар ин самт корҳои неку шоиста ба анҷом мерасанд.
Аз шумораи 18 ҳазор нафар аъзои ҳизб дар шаҳри Хуҷанд 11 ҳазору 545 нафар ва аз 234 ташкилотҳои ибтидоӣ 144 нафарро занону бонувон ташкил медиҳанд, ки ин бешубҳа, аз таваҷҷуҳи боварӣ ба занону бонувон далолат медиҳад.
Кумиҷроияи шаҳрии ҳизб дар фаъолияти ҳаррӯзаи худ дастгирии бонувони фаъолро эҳсос мекунад. Баргузории маҳфилҳои «Рози бону» ва «Муросо», ки дар назди кумиҷроия фаъолият доранд, умдатарин мушкилоти занонро дар ҷомеа бо ширкати занони фаъол ва дар ҷамъият мавқеъдор ҳаллу баррасӣ мекунанд.
Раиси Кумитаи иҷроияи Ҳизби Халқии Демократии Тоҷикистон дар вилояти Суғд Матлуба Сатториён ва вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Назирӣ занони фаъоли ҳизбиро бо омадани фасли баҳор шодбош намуда, зикр намуданд, ки модар азизтарин вуҷуди рӯи замин ва нафаси гарму дилнавози ӯ ибтидои ҳастист. Зан – модар сарчашмаи ҷовидонаи сидқу вафо, рамзи зебоӣ ва накӯӣ, нахустин мураббӣ ва муаллими насли инсонӣ мебошад, зеро сиришти ин мавҷуди муқаддас иборат аз меҳри ростину садоқати фитрист. Маҳз ҳамин хислатҳои фитрии занон аст, ки дар ҳама ҷода занон пешсаф ва масъулиятпешаанд. Интихобот ба Маҷлиси намояндагон ва маҷлисҳои маҳаллӣ бори дигар аз муттаҳидию ҳамдилии занону бонувон дарак дод.
Дар анҷоми ҳамоиш ба чанде аз занони фаъоли ҳизбӣ дар вазъияти тантанавӣ Ифтихорнома ва туҳфаҳои хотиравӣ тақдим гардид.
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
