Мақомоти авиатсияи граждании Тоҷикистон назорат дар фурудгоҳҳоро ҷиҳати пешгирии коронавирус пурзӯр гардонидаанд
ДУШАНБЕ, 02.03.2020 /АМИТ «Ховар»/. Мақомоти авиатсияи граждании Тоҷикистон ҷиҳати пешгирӣ аз коронавирус, ки дар бархе аз давлатҳои ҷаҳон, аз ҷумла Чин, Кореяи Ҷанубӣ, Эрон, Италия ва дигар кишварҳо паҳн гардидааст, тадбирҳои муассир меандешанд. Муовини директори Агентии авиатсияи граждании назди Ҳукумати Ҷумҳурии Тоҷикистон Азиз Набизода дар суҳбат ба хабарнигори АМИТ «Ховар» гуфт, ки Агентии авиатсияи граждании назди Ҳукумати ҷумҳурӣ дар ҳамкорӣ бо сохторҳои марбутаи авиатсионии мамлакат дар асоси дастури Ҳукумати Ҷумҳурии Тоҷикистон тадбирҳои саривақтӣ андешида, назоратро дар фурудгоҳҳои байналмилалии мамлакат пурзӯр гардонидааст.
Азиз Набизода афзуд, ки шурӯъ аз 26 январ парвозҳои ҳавопаймоҳо байни Тоҷикистону Чин, ки аз ҷониби ширкатҳои ҳавопаймоии «Somon Air» ва «China Southern Airlines» анҷом дода мешуд, қатъ гардид. Инчунин аз 20 феврал парвозҳои ҳавоӣ дар масири Душанбе- Машҳад, Теҳрон-Душанбе-Бишкек», ки ҳафтае ду маротиба аз ҷониби ширкати ҳавопаймоии эронии «Varesh Airlines» сурат мегирифт, манъ гардид. Ҳамзамон бо дарназардошти ба қайд гирифтани ҳолати сирояти коронавирус дар Афғонистон ширкати ҳавопаймоии «Kam Air»-и Афғонистон низ аз 26 феврал парвозҳоро дар хатсайри Душанбе –Кобул муваққатан қатъ намуд.
Муовини директори Агентии Авиатсияи граждании назди Ҳукумати мамлакат зикр кард, ки дар фурудгоҳҳои байналмилалии Душанбе ва Хуҷанд аз ҷониби марказҳои тиббии фурудгоҳҳо ва Вазорати тандурустӣ ва ҳифзи иҷтимоии аҳолии ҷумҳурӣ бунгоҳи тиббӣ,
нуқтаи сантирӣ –карантинӣ ташкил гардидаанд, ки дар онҳо дастгоҳҳои фосилавӣ — теплавизор ва термасканерҳо, ки ҳарорати бадани инсонро муайян менамоянд, гузошта шудаанд.
Мавриди зикр аст, ки бо дастури бевоситаи Сарвари давлат дар мамлакат Ситоди ҷумҳуриявии доимамалкунанда оид ба пешгирии коронавирус таъсис дода шудааст, ки ба он намояндагони вазорату идораҳои марбутаи мамлакат шомил мебошанд. Созмони ҷаҳонии тандурустӣ 30 январи соли равон вазъи сирояти коронавирусро дар ҷаҳон расман «ҳолати фавқулода» эълон намуд.
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
