Нафари гумонбар дар марги ҷавони 27-сола боздошт гардид
ДУШАНБЕ, 30.03.2020. /АМИТ «Ховар»/. Раёсати Вазорати корҳои дохилӣ дар шаҳри Душанбе 24 марти соли равон вобаста ба дарёфти ҷасади шахсияташ номаълум иттилоъ дода буд. Дар натиҷаи чорабиниҳои фаврӣ-ҷустуҷӯӣ аз ҷониби кормандони милитсияи пойтахт муайян карда шуд, ки ин нафар шаҳрванд Шомиров Диловаршо Нуриддинович, соли таваллудаш 17 апрели соли 1993, истиқоматкунандаи шаҳри Душанбе, кӯчаи Назаршоев мебошад. Дар ин бора аз Раёсати Вазорати корҳои дохилӣ дар шаҳри Душанбе ба АМИТ «Ховар» хабар доданд.
«Тибқи маълумотномаи ташхиси тиббӣ-судӣ сабабҳои марги шаҳрванд Диловаршо Шомиров инсулти геморогӣ ва атеросклерози шараёнҳои дил мебошад»,- зикр кард манбаъ.
Тибқи иттилои манбаъ, баъд аз гузаронидани якчанд корҳои фаврӣ- ҷустуҷӯӣ шаҳрванд Халилов Абдулмумин Асадуллоевич, соли таваллудаш 30 апрели соли 1989, истиқоматкунандаи ноҳияи Рӯдакӣ муайян ва дастгир карда шуд. Гумонбар, ки бо марҳум Диловаршо Шомиров дар нуқтаи шустушӯи мошинҳо кор мекардааст, 22 марти соли равон тахминан соатҳои 22:30, дар асоси ғаразҳои пешакӣ ва бо мақсади қасосгирӣ дар назди бинои 2-и кӯчаи Айнии ноҳияи Шоҳмансур бо ӯ муноқиша намудааст. Абдулмумин Халилов бо мушт як зарба ба қисмати рости мавзеи гӯши Диловаршо Шомиров задааст, ки дар натиҷа ӯ ба замин афтода, баъд аз чанд лаҳза фавтидааст.
Айни ҳол нисбат ба гумонбаршаванда Халилов Абдулмумин Асадуллоевич парвандаи ҷиноятӣ оғоз карда шуда, чораи пешгирӣ дар намуди ҳабси пешакӣ татбиқ шуда, корҳои тафтишотӣ идома доранд.
Оид ба сабаби ба ҳалокат расидани шаҳрванд Шомиров Диловаршо Нуриддинович якчанд ташхисҳои иловагӣ таъйин карда шудаанд. Баъди ба анҷом расидани тафтиши пешакӣ иловатан маълумот дода мешавад.
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
