ТАСС: Додгоҳи Ростови лаби Дон шаҳрванди Тоҷикистонро барои ҷалби одамон ба сафи ДИ* ба 6 соли зиндон маҳкум кард
ДУШАНБЕ, 17.03.2020 /АМИТ «Ховар»/. Суди ҳарбии ҳавзаи ҷануби Федератсияи Россия шаҳрванди Тоҷикистон Сайёдшоҳ Убайдовро, ки дар Адигея зиндагӣ мекунад, барои мусоидат ба фаъолияти террористӣ ба 6 соли зиндони низомаш умумӣ маҳкум кард. Тавре ТАСС менависад, дар ин бора рӯзи душанбе хадамоти матбуоти додгоҳ ба хабарнигорон иттилоъ додааст.
«Убайдов айбдор дониста шуд ва ӯ ба 6 соли зиндон дар муассисаи ислоҳии низомаш умумӣ маҳкум гардид», — омадааст дар иттилоия.
Хадамоти матбуоти додгоҳ тазаккур дод, ки Убайдов дар содир намудани ҷиноят мутобиқи қисми 1-и моддаи 205.1-и Кодекси ҷиноятии Федератсияи Россия («Мусоидат ба фаъолияти террористӣ») ва ду ҷиноят мутобиқи моддаи 322.3-и Кодекси ҷиноятии Федератсияи Россия («Бақайдгирии қалбакии шаҳрванди хориҷӣ ё шахси бешаҳрвандӣ дар ҷои истиқомат дар Федератсияи Россия») айбдор дониста шуд.
Додгоҳ муайян кардааст, ки аз охири моҳи июли соли 2016 то октябри соли 2017 Убайдови 36-сола кӯшиш кардааст, ки шиносаш — шаҳрванди Тоҷикистонро барои ҳамроҳ шудан ба созмони байналмилалии террористии ба ном Давлати Исломӣ (ДИ)* ва иштирок дар амалиёти ҷангӣ дар Сурия моил кунонад. Илова бар ин, Убайдов аз рӯи созиш бо ду шаҳрванди Тоҷикистон онҳоро бар ивази подош ба таври қалбакӣ дар хонаи истиқоматии худ дар Адигея бидуни пешниҳоди ҷои зист сабти ном кардааст.
Бино ба иттилои «Кавказский узел», тибқи маълумоти тафтишот, айбдоршаванда шаҳрванди Тоҷикистон Ҷамшед Усмон Ализодаро барои иштирок дар низоъҳои Сурия дар сафи террористон моил намудааст. Убайдов инчунин борҳо бо Ализода суҳбатҳо анҷом дода, фаъолияти ин созмонро сафед кардааст. Ӯ ҳамчунин Ализодаро ба дурустии амалияи фаъолияти он бовар кунонида, даъват намудааст, ки дар фаъолияти ин созмон ширкат кунад.
Ӯ бо айбдоркунии бақайдгирии қалбакӣ гунаҳкор дониста шуд, аммо бинобар гузаштани муҳлати даъво аз ҷазо озод гардид.
______________________________________________
* Созмони террористии мамнӯъ дар Тоҷикистон ва Россия
АКС аз «Кавказский узел»
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
