Тоҷикистон дар раддабандии кишварҳои осоишта аз Чин, ИМА ва Россия пеш гузашт
ДУШАНБЕ, 03.03.2020 /АМИТ «Ховар»/. Тоҷикистон дар рейтинги Индекси ҷаҳонии сулҳ, ки Пажӯҳишгоҳи иқтисодиёт ва сулҳ (The Institute for Economics and Peace) таҳия намудааст, 12 зина боло рафт. Кишвари мо дар байни 163 кишвар ҷои 105-умро ишғол намуд, хабар медиҳад АМИТ «Ховар».
Пажӯҳишгоҳи иқтисодиёт ва сулҳ, ки вазъи 163 кишварро, ки дар ҳудуди онҳо 99,7% аҳолии ҷаҳон умр ба сар мебаранд, таҳлил мекунад, гузориши солонаи худро бо номи «Индекси ҷаҳонии сулҳ» (Global Peace Index 2019) нашр намуд. Он баҳодиҳии вазъи кишварҳоро аз рӯи чунин меъёрҳо, ба мисли амният, суботи сиёсӣ ва иқтисодӣ, сатҳи терроризм, зӯроварии полис, иштироки кишвар дар амалиёти ҷангӣ, содироти силоҳ, эҳтироми ҳуқуқи инсон ва сатҳи ваҳдати иҷтимоӣ дар бар мегирад.
Аз миёни кишварҳои Осиёи Марказӣ Қазоқистон (ҷои 64) соҳиби нишондиҳандаи беҳтарин ва Туркманистон (ҷои 115-ум) соҳиби нишондиҳандаи пасттарин арзёбӣ шудаанд.
Тавре интизор мерафт, дар ҷаҳон ҷои аз ҳама охиринро Афғонистон (ҷои 163-ум) ва ҷойи аввалро Исландия ишғол кардааст.
Бояд тозаккур дод, ки Тоҷикистон аз рӯи нишондоди худ аз чунин давлатҳо, ба мисли Чин (ҷои 110), Арманистон (118), ИМА (128), Арабистони Саудӣ (129), Озарбойҷон (130), Эрон (139), Ҳиндустон (141), Исроил (146), Украина (150), Туркия (152), Покистон (153) ва Русия (154) пеш гузаштааст.
Натиҷаҳо нишон медиҳанд, ки сатҳи миёнаи сулҳ дар ҷаҳон соли 2019 каме беҳтар шудааст. Нишондиҳандаи миёна 0,09 фоиз афзудааст ва беҳтаршавии мавқеъ дар 86 кишвар, аз Ҷумлда дар Тоҷикистон ба назар мерасад.
Ёдовар мешавем, ки Пажӯҳишгоҳи иқтисод ва сулҳ — ниҳоди ҷаҳонии таҳлилӣ буда, марказаш дар Сидней (Австралия) ҷойгузин ва дафтарҳои намояндагиаш дар шаҳрҳои Ню-Йорк (ИМА), Мехико (Мексика) ва Гаага (Нидерландия) мустақар мебошанд. Пажӯҳишгоҳ бо як қатор марказҳои таҳлилӣ, ташкилотҳои ҷамъиятӣ ва муассисаҳои илмӣ, аз ҷумла Институти Аспен, Маркази тадқиқоти стратегӣ ва байналмилалӣ, Институти байналмилалии сулҳ, Бунёди Ҷамъияти Кушода ва Коллеҷи шоҳигарии Лондон ҳамкорӣ менамояд. Инчунин бо ташкилотҳои байниҳукуматӣ, ба мисли Созмони ҳамкории иқтисодӣ ва рушд (ОЭСР), Барномаи рушди Созмони Милали Муттаҳид (БРСММ), ЮНИСЕФ, НАТО, Бонки ҷаҳонӣ ва Дафтари дастгирии сулҳи СММ ҳамкорӣ мекунад.
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
