Билл Гейтс пурра ба охир расидани пандемияро пешгӯӣ кард

ДУШАНБЕ, 28.04.2020 /АМИТ «Ховар»/. Инсоният танҳо пас аз пайдо шудани ваксинаҳои зидди коронавирус метавонад ба ҳаёти муқаррарӣ баргардад. Ин ҳолат на кам аз як ё ду сол баъд рух хоҳад дод, гуфт миллиардери амрикоӣ, таъсисдиҳандаи “Microsoft” Билл Гейтс дар мусоҳиба бо нашрияи “Le Figaro ”.

«Ваксина хеле муҳим аст, зеро эҳтимол мо танҳо ҳамин тавр ба ҳаёти муқаррарӣ бармегардем» -гуфт Гейтс.

«Ин амал на кам аз як ё ду сол баъд анҷом нахоҳад ёфт»,- илова кард соҳибкор. Ба гуфтаи вай, чунин имконият имконпазир аст, агар як система таҳия шавад, то хатари дубора паҳн шудани эпидемияро бартараф кунад.

Гейтс зикр кард, ки усулҳои озмоишӣ ва пайгирӣ аллакай ба кишварҳо имконият медиҳанд сарчашмаи бемориро зуд пайдо кунанд ва онро таҳти назорат гиранд. Бо вуҷуди ин, пас аз пандемия ба ҳаёти одӣ ва муқаррарӣ баргаштан осон нахоҳад буд, зеро одамон ҳатто пас аз бардоштани маҳдудиятҳо низ аз сироят шудан метарсанд.

27 апрел духтур Александр Мясников гуфт, ки инсоният назар ба бемории коронавирус боз ба эпидемияи ҷиддитаре дучор хоҳад шуд. Ба гуфтаи вай, дафъаи оянда сатҳи фавт тақрибан 35 фоизро ташкил хоҳад дод.