Дар Муъминобод корҳои фаҳмондадиҳӣ оид ба пешгирии COVID-19 бо усули «Хона ба хона» ба роҳ монда шудааст
ДУШАНБЕ, 25.04.2020 /АМИТ «Ховар»/. Имрӯзҳо тибқи нақшаи чорабиниҳои Мақомоти иҷроияи ҳокимияти давлатии ноҳияи Муъминобод дар ҳар ҷамоат, муассисаи таълимӣ, бунгоҳҳои тиббӣ, хусусан миёни аҳолӣ оид ба пешгирии COVID-19 вохӯриву суҳбатҳо баргузор гардида истодаанд.
Чунин як суҳбат оид ба пешгирии бемории коронавирус дар мактаби таҳсилоти миёнаи умумии рақами 13-и Ҷамоати деҳоти Нуралишо Назарови деҳаи Момандиёни ноҳия доир гардид. Тавре ба хабарнигори АМИТ «Ховар» аз мақомоти иҷроияи ҳокимияти давлатии ноҳия хабар доданд, зимни он мудири бахши рушди иҷтимоӣ ва робита бо ҷомеаи дастгоҳи раиси ноҳияи мазкур Бахтовари Диловар ба хонандагон роҳҳои пешгирии паҳншавии вируси COVID-19 ва риояи тозагии шахсӣ, ҳолати санитарию гигиении хонаю ҷойҳои ҷамъиятиро фаҳмонид.
«Аҳолии ноҳияи Муъминобод 95 000 буда, тибқи нақшаи пешбинишуда мо бояд дар муддати як ҳафта дар деҳаҳои дуру наздик бо усули «Хона ба хона» гашта, корҳои фаҳмондадиҳӣ анҷом диҳем. Дар баробари ин дар назди даромадгоҳҳо маводи хлорӣ тайёр карда шуда, барои тамизгардонӣ истифода мешаванд. Айни ҳол мо бо 67 000 аҳолии ноҳия суҳбату вохӯрӣ гузарондем ва ин иқдом идома дорад»,-зикр кард Бахтовари Диловар.
Ҳангоми вохӯрӣ дар баробари пешгирӣ аз вирус ҳамчунин аз сокинон даъват карда шуд, ки барои корҳои ободонию бунёдкорӣ, сабзазоркунӣ, таъмири хонаю дар, тозаву озода намудани ҳавлӣ, кӯчаю маҳалла ва самаранок истифода бурдани ҳар қитъа замини наздиҳавлигӣ камари ҳиммат банданд.
Сокинони ноҳияи Муъминобод ҳоло заминҳои наздиҳавлигиашонро самаранок истифода намуда, дар он ҷиҳати таъмин намудани оилаи худ бо маҳсулоти ғизоӣ сабзӣ, картошка, пиёз ва зироати ғалладонагӣ корида истодаанд.
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
