Дар Парлумони Тоҷикистон се фраксияи ҳизбҳои сиёсӣ ва як гурӯҳи вакилони ғайриҳизбӣ ба қайд гирифта шуданд
ДУШАНБЕ, 16.04.2020. /АМИТ «Ховар»/. Дар Маҷлиси намояндагони Маҷлиси Олии Ҷумҳурии Тоҷикистон се фраксияи ҳизбӣ ва як гурӯҳи вакилони ғайриҳизбӣ ба қайд гирифта шуданд. Дар ин бора котиби матбуоти Маҷлиси намояндагон Муҳаммадато Султонов ба АМИТ «Ховар» хабар дод.
Дар робита ба ин зимни ҷаласаи навбатии Маҷлиси намояндагони Маҷлиси Олии Ҷумҳурии Тоҷикистон, даъвати шашум, ки 15 апрел таҳти раёсати Раиси Маҷлиси намояндагон Маҳмадтоир Зокирзода дар шаҳри Душанбе баргузор гардид, қарори дахлдор қабул шуд.
Тибқи муқаррароти Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» ва дастури Маҷлиси намояндагон вакилони мардумӣ барои изҳори дастаҷамъонаи ақидаҳои сиёсӣ, амалӣ гардонидани барномаҳо ва ҳадафҳои пешазинтихоботии худ ҳуқуқ доранд дар фраксияву гурӯҳҳо муттаҳид шаванд.
«Бо назардошти меъёрҳои муқарраргардида ва қабули қарори дахлдори Маҷлиси намояндагон дар палатаи поёнии Парлумони мамлакат се фраксияи ҳизбҳои сиёсӣ ва як гурӯҳи вакилони ғайриҳизбӣ таъсис ёфта, ба қайд гирифта шуданд», — афзуд манбаъ.
Тибқи қарори қабулгардида, фраксияҳои Ҳизби Халқи Демократии Тоҷикистон дар ҳайати 42 нафар, Ҳизби аграрии Тоҷикистон дар ҳайати 7 нафар, Ҳизби ислоҳоти иқтисодии Тоҷикистон дар ҳайати 5 нафар ва Гурӯҳи вакилони ғайриҳизбӣ дар ҳайати 5 нафар дар Маҷлиси намояндагон ба қайд гирифта шуданд.
Ҷаласаи навбатии кумита оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занони Маҷлиси миллӣ доир гардид
Ҷаласаи навбатии кумитаи Маҷлиси миллии Маҷлиси Олӣ доир гардид
Ҷаласаи навбатии иҷлосияи сеюми Маҷлиси намояндагони Маҷлиси Олӣ, даъвати ҳафтум баргузор гардид
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Маҳмадшоҳ Гулзода дар ҷаласаи 24-уми тирамоҳии Ассамблеяи парлумонии Созмони амният ва ҳамкорӣ дар Аврупо иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Маҷлиси намояндагон тағйирот ба Конвенсия оид ба авиатсияи граждании байналмилалиро қабул намуд
Дар Танзания вохӯрии ҳамоҳангсозии роҳбарони ҳайатҳои парлумонии давлатҳои аъзои СААД доир шуд
Ҷаласаи навбатии иҷлосияи сеюми Маҷлиси намояндагони Маҷлиси Олӣ, даъвати ҳафтум баргузор гардид
Даври дуюми Мактаби САҲА оид ба дипломатия, роҳбарӣ ва сулҳоварӣ барои ҷавондухтарон оғоз гардид
Дар Маҷлиси намояндагон бахшида ба Рӯзи забони давлатии Ҷумҳурии Тоҷикистон ҳамоиши идона баргузор гардид
