Филми «Рақси зиндагӣ»: Туҳфаи баҳорӣ барои тамошо бо аҳли хонавода
ДУШАНБЕ, 09.04.2020. /АМИТ «Ховар»/. Муассисаи давлатии «Тоҷикфилм» тасмим гирифтааст, ки аз 10 то 30 апрел, ҳар рӯз дар ду вақт: соатҳои 13:00 ва 17:00 баҳри болидарӯҳии сокинони пойтахт дар Кинотеатри «Ватан»-и пойтахт силсиланамоиши филми «Рақси зиндагӣ»-ро ба роҳ монад.
Махсусияти филми «Рақси зиндагӣ» ин аст, ки онро метавон ҳамроҳ бо аҳли хонавода тамошо кард. Дар ин бора аз Муассисаи давлатии “Тоҷикфилм” ба АМИТ «Ховар» хабар доданд.
Бори дуюм аст, ки бо дархост ва талаби дӯстдорони кино филми «Рақси зиндагӣ» рӯйи пардаи кино меояд. Филми мазкур моҳи июни соли гузашта дар кинотеатрҳо намоиш дода шуд. Инчунин ба воситаи раёсатҳои “Тоҷикфилм” дар шаҳру навоҳии ҷумҳурӣ пешниҳоди дӯстдорони кино гардид.
Муҳтавои филм дар бораи духтару писаре нақл мекунад, ки як садамаи ногаҳонӣ онҳоро дилбохтаи ҳам мекунад. Ба рағми ҳама монеа ва фишорҳо аз ду макон- шаҳр ва деҳа онҳо фазои ишқу муҳаббат месозанд. Зимни тамошои филм дар зеҳн саволе тавлид мешавад, ки оё онҳо то охир бо ҳам содиқ ва хушбахт мемонанд ё не?
Ҳунармандони машҳур, аз ҷумла, Аловуддин Абдуллоев, Тоҷиниссо Саидова, Мастура Ортиқзода, Абдукарим Машрабов ва дигарон дар филми «Рақси зиндагӣ» нақшҳои хотирмон иҷро намудаанд.
Филми «Рақси зиндагӣ» истеҳсоли Муассисаи давлатии “Тоҷикфилм” буда, коргардони он Муҳаббат Сатторӣ мебошад.
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
Фарҳанги пурғановати Тоҷикистон дар Туркманистон муаррифӣ мегардад
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
