Гулрӯ Ҷабборзода бо роҳбарият ва ҳайати кормандони Намояндагии Вазорат дар Россия суҳбати мустақили интернетӣ доир намуд
ДУШАНБЕ, 09.04.2020. /АМИТ «Ховар»/. Тавре қаблан иттилоъ дода будем, бинобар паҳншавии бемории сироятии COVID-19 дар Федератсияи Россия ва ҷорӣ гардидани карантин дар ин кишвар ташкилоту муассисаҳо, марказҳои хизматрасонӣ ва бозорҳо дар аксар шаҳрҳои калони ин давлат, бахусус Москва ва Санкт — Петербург, ки ҳиссаи бештари муҳоҷирони меҳнатӣ — шаҳрвандони Ҷумҳурии Тоҷикистон ба ин шаҳрҳо рост меояд, муваққатан то 30 апрели соли ҷорӣ аз фаъолият бозмонданд. Омили мазкур сабаби эҷоди мушкилот дар фаъолияти меҳнатии шаҳрвандони Ҷумҳурии Тоҷикистон дар ин давлат, аз ҷумла тамдиди муҳлати будубош, патент ва бокортаъминшавии онҳо гардидааст. Доир ба ин мушкилоти ҷойдошта 7 апрел Вазири меҳнат, муҳоҷират ва шуғли аҳолии Ҷумҳурии Тоҷикистон Гулрӯ Ҷабборзода бо роҳбарият ва ҳайати кормандони намояндагии Вазорат дар Федератсияи Россия оид ба муҳоҷират суҳбати мустақили интернетӣ доир намуд.
Зимни суҳбати корӣ роҳбарият ва ҳайати кормандони Намояндагӣ дар ҳавзаҳои федералии Урал, Приволже, Сибир, Ҷануб ва Шимолу Ғарби Федератсияи Россия, шаҳрҳои Москва ва Санкт- Петербург роҷеъ ба вазъи кунунии шаҳрвандони Ҷумҳурии Тоҷикистон дар қаламрави Федератсияи Россия ба вазир ҳисобот доданд.
Ҳамчунин дар асоси супориши вазир дар намояндагӣ ситоди корӣ ва навбатдории доимӣ таъсис дода шуда, кормандон барои ҳалли мушкилоти муҳоҷирон дар ҳамдастӣ бо Сафорати Ҷумҳурии Тоҷикистон, консулгариҳои Ҷумҳурии Тоҷикистон ва ҷамъиятҳои тоҷик дар ин давлат мунтазам кор бурда истодаанд.
Дар интиҳои машварати корӣ бо назардошти таҳлилу баррасии вазъи кунунии муҳоҷирони меҳнатӣ -шаҳрвандони Ҷумҳурии Тоҷикистон дар Федератсияи Россия вазир барои ҳалли мушкилоти мавҷуда ба кормандони Намояндагӣ супоришҳои мушаххас дод.
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
