Иброҳим Мирзозода раиси Кумитаи иҷроияи ҲХДТ дар шаҳри Душанбе интихоб гардид
ДУШАНБЕ, 08.04.2020. /АМИТ «Ховар»/. Бо ризоияти Раиси муаззами ҲХДТ муҳтарам Эмомалӣ Раҳмон ва ҷонибдории Раиси шаҳри Душанбе муҳтарам Рустами Эмомалӣ сардори Раёсати кор бо ҷавонон ва варзиши шаҳри Душанбе Иброҳим Мирзозода раиси нави Кумитаи иҷроияи ҲХДТ дар шаҳри Душанбе интихоб гардид.
Ин нукта 7 апрели соли 2020 зимни баргузории Маҷлиси Кумитаи иҷроияи шаҳрии ҳизб, ки таҳти раёсати муовини якуми Раиси ҲХДТ Абдуҷаббор Азизӣ баргузор шуд, таъкид гардид.
Абдуҷаббор Азизӣ масъалаҳои рӯзномаи маҷлисро ба ҳозирин муаррифӣ ва баъдан номзадии раиси навро пешниҳод намуда, шарҳи мухтасари ҳоли ӯро бозгӯӣ кард.
Аъзои Кумита номзадии Иброҳим Мирзозодаро ҷиҳати ба ҳайси раиси Кумитаи иҷроияи шаҳрии ҳизб интихоб шудан ҷонибдорӣ намуда, Зоир Раҳмонзодаро бинобар вакили Маҷлиси намояндагон интихоб шудан аз вазифаи раиси Кумита озод намуданд.
Дар музокира аъзои Кумитаи иҷроияи шаҳрии ҳизб Гавҳар Шарофзода ва Зоир Раҳмонзода баромад намуда, аз фаъолияти чашмраси раиси нави Кумита дар сохторҳои гуногун ёдовар шуда, ба корҳои минбаъдааш барору комёбиҳо орзу карданд.
Ҳамзамон Абдусалом Мирализода ва Зоир Раҳмонзода бино бар сабаби ба кори дигар гузаштан аз узвияти Раёсат ва Маҷлиси КИ ҲХДТ дар шаҳри Душанбе бозхонд шуда, раиси Кумитаи иҷроияи шаҳрии ҳизб Иброҳим Мирзозода ва директори Китобхонаи миллии Тоҷикистон Ҷумъахон Файзализода ба ҷойи онҳо ба узвияти Раёсат ва Кумитаи иҷроияи шаҳрии ҳизб интихоб шуданд.
Муовини якуми Раиси ҲХДТ Абдуҷаббор Азизӣ атрофи масоили дохилиҳизбӣ, пардохти ҳаққи узвият, ҷалби шахсони сазовор ба узвияти ҳизб, ҷоннок намудани корҳои таблиғотӣ дар шаҳраку маҳаллаҳо, вокуниш нишон додан ба ҳангомаҳои муғризона дар шабакаҳои иҷтимоӣ ва дигар масъалаҳои мубрам сухан гуфт.
Ҳамин тариқ, Маҷлиси Кумитаи иҷроияи ҲХДТ дар шаҳри Душанбе аз рӯи ҳамаи масъалаҳои баррасишаванда қарорҳои дахлдор қабул кард.
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
Самаранокии идоракунии молиявӣ бо намояндагони лоиҳаи Иттиҳоди Аврупо дар Тоҷикистон баррасӣ шуд
ИСТИҚЛОЛИЯТ, ҶАВОНӢ ВА СОЗАНДАГӢ. Дар Душанбе Форуми ҷумҳуриявии ҷавонон баргузор гардид
Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
Дар шаҳри Левакант муассисаи давлатии таҳсилоти томактабӣ ба истифода дода шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба 40 нафар ятими кулли шаҳри Ҳисор либоси мактабӣ тақдим гардид
