Китобхонаи дуюми Вазорати рушди иқтисод ва савдо бо китобҳои нав мукаммал гардид
ДУШАНБЕ, 16.04.2020 /АМИТ «Ховар»/. Китобхонаи дуюми Вазорати рушди иқтисод ва савдои Ҷумҳурии Тоҷикистон бо китобҳои нав мукаммал гардонида шуд. Китобхона бо тамоми тартиб ва талаботи китобдорӣ таъсис дода шуда, дар он зиёда аз 1200 китобҳои тозанашр, аз қабили китобҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, китобҳои бадеӣ, силсилакитобҳои шоирони тоҷику форс «Гулшани адаб», адабиёти ҷаҳон ва адабиёти соҳавӣ бо забонҳои тоҷикӣ, русӣ ва англисӣ ҷамъоварӣ гардида, истифодаи онҳо дар шакли электронӣ низ ба роҳ монда шудааст.
Тибқи иттилои маркази матбуоти Вазорати рушди иқтисод ва савдои ҷумҳурӣ, ин тадбир дар партави иҷрои дастуру супоришҳои Пешвои миллат муҳтарам Эмомалӣ Раҳмон, ки дар Паёми навбатиашон ба Маҷлиси Олии Ҷумҳурии Тоҷикистон дар хусуси ташвиқу тарғиби китобхонӣ дар ҷомеа баён доштанд, андешида шуд.
Китобхонаи мазкур ба маъхази маълумотӣ ва ҷустуҷӯии «Ирбис» пайваст карда шудааст, ки дар он номгӯи зиёда аз 200 ҳазор китоб ҷамъоварӣ гаштааст. Кормандони Вазорати рушди иқтисод ва савдо суханони Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи кори худ қарор додаанд, ки чунин аст: «Миллати мо аз қадим мардуми китобдору китобхон буд ва ин анъанаро ҳифз карда, бояд идома диҳем. Бидонед, ки китобхониву китобдӯстӣ инсонро ба қуллаи мурод мерасонад».
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
