Ноҳияи Носири Хусрав: модарон аз фарзандон хидмати содиқона хоҳиш карданд
ДУШАНБЕ, 16.04.2020 /АМИТ «Ховар»/. Зимни маросими гусели ҷавонони синни даъватӣ ба сафи Артиши миллӣ дар ноҳияи Носири Хусрав модарони даъватшудагон Лаълбегим Буҷабекова ва Ашӯргул Сафарова зикр карданд, ки нишоти рӯзгор аз оромии давлат аст. Зимнан, онҳо дар симои фарзандони хеш аз ҳама ҷавонон хоҳиш карданд, ки хизмати ҳарбиро бо дилу ҷон ба ҷо оварда, бо сари баланд ба хона баргарданд. Дар ин бора аз Кумитаи иҷроияи ҲХДТ дар вилояти Хатлон ба АМИТ «Ховар» хабар доданд.
Маросими идона дар қасри фарҳанги ноҳия доир гардид. Ҷавонони ба хизмат сафарбаршуда бо дарки масъулияти фарзандӣ дар назди Ватан-Модар ба таври ихтиёрӣ ба комиссариати ҳарбии ноҳия ҳозир шуда буданд.
Узви кумитаи иҷроияи вилоятӣ ва ноҳиявии ҲХДТ, раиси ноҳия Даврон Нишонзода, раиси Кумитаи иҷроияи ҲХДТ дар ноҳия Сурайё Ализода ва дигар ҷамъомадагон иброз доштанд, ки хизмат ба Ватан қарзи имониву виҷдонии ҳар як ҷавонмарди бонангу номус буда, мактаби бузурги тарбия, матонат, ҷасорат ва мардонагӣ маҳсуб мешавад.
Пас аз манзур шудани барномаи рангини фарҳангӣ, ки дар ташкили он аъзои Ташкилоти ҷамъиятии ҷавонон «Созандагони Ватан»-и назди КИ ҲХДТ ҳиссаи сазовор гузоштанд, даъватшудагон бо дуои неки пирони рӯзгордида барои адои қарзи ҷавонмардӣ гусел карда шуданд.
Вохӯрии навбатии гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Ҳамкории мақомоти корҳои дохилии Тоҷикистон ва Италия тақвият меёбад
ДАЪВАТИ БАҲОРИИ ШАҲРВАНДОН. Ин маъракаи муҳими сиёсӣ дар шаҳру ноҳияҳои Тоҷикистон муташаккилона идома дорад
АФЗАЛИЯТ ВА БАРТАРИЯТИ ХИЗМАТИ АСКАРӢ. Ҷавонон баробари ворид шудан ба хизмат таҳти ҳимояти Артиши миллӣ қарор мегиранд
Стратегияи миллӣ оид ба назорати маводи нашъаовар дар мақомоти гумруки Тоҷикистон тавзеҳ дода шуд
Дар Хатлон якчанд ноҳия даъвати баҳориро ба сафи Қувваҳои мусаллаҳи Ҷумҳурии Тоҷикистон ҷамъбаст намуданд
Дар шаҳри Бӯстон вохӯрии навбатии гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Тоҷикистон дар самти мубориза бо терроризму экстремизм яке аз давлатҳои пешсаф аст
10 АПРЕЛ-РӮЗИ ҚӮШУНҲОИ ДОХИЛИИ ТОҶИКИСТОН. Ба ташкили ин сохтори низомӣ 33 сол пур шуд
Байни Вазорати корҳои дохилии Тоҷикистон ва Вазорати амнияти ҷамъиятии Чин Ёддошти тафоҳум ба имзо расид
Хизмат дар сафи Қувваҳои Мусаллаҳи Тоҷикистон мактаби шуҷоату мардонагӣ аст
ТЕРРОРИЗМ ЧИСТ? ТЕРРОРИСТ КИСТ? Чаро як фард тамоми арзишҳои инсониро канор гузошта, ба ин роҳи манфур меравад?
