ОБУ ҲАВО: Имрӯз дар Тоҷикистон борони кӯтоҳмуддат ва дар баландиҳои зиёда аз 2500 метр барф меборад

Апрель 1, 2020 08:04

ДУШАНБЕ, 01.04.2020. /АМИТ «Ховар»/. Агентии обуҳавошиносии Тоҷикистон хабар медиҳад, ки имрӯз дар Тоҷикистон ҳаво абрнок шуда, борони кӯтоҳмуддат ва шабона дар баландиҳои зиёда аз 2500 метр барф меборад.

Ба иттилои манбаъ, имрӯз дар Вилояти Мухтори Кӯҳистони Бадахшон ҳаво абрнок шуда, дар ноҳияҳои алоҳида борону барф меборад. Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят   шабона 0+5 ва рӯзона 8+13 дараҷа гарм  мешавад. Дар  шарқи вилоят  ҳаво шабона 5+10 дараҷа хунук ва рӯзона аз 2 дараҷа хунук то 3 дараҷа гарм мешавад.

Дар вилояти Суғд   ҳавои абрнок пешгӯӣ шуда, борони кӯтоҳмуддат (шабона дар баландиҳои зиёда аз 2500 метр барф) дар баъзе ноҳияҳо бошиддат меборад. Боридани жола ва ба амал омадани раъду барқ аз эҳтимол дур нест. Шамол  аз самти  ғарб бо суръати 3-8 ва дар баъзе ноҳияҳо бо шиддати то 10-15 метр дар як  сония мевазад. Ҳаво  дар водиҳо шабона 7+12 ва рӯзона 13+18 дараҷа гарм  мешавад. Дар ноҳияҳои кӯҳӣ ҳаво шабона аз 1 дараҷа хунук то 4 дараҷа гарм ва рӯзона 4+9 дараҷа гарм мешавад.

Дар вилояти Хатлон ҳаво абрнок шуда, борони кӯтоҳмуддат, дар баъзе ноҳияҳо борони бошиддат меборад. Инчунин ба амал омадани раъду барқ ва боридани жола аз эҳтимол дур нест. Шамол аз самти ғарб бо суръати 5-10 метр сония мевазад. Ҳарорати ҳаво дар водиҳо шабона 8+13 дараҷа гарм, рӯзона 11+16 гарм мешавад. Дар ноҳияҳои кӯҳӣ шабона 4+9 ва рӯзона 6+11 дараҷа гарм мешавад.

Дар шаҳру ноҳияҳои тобеи марказ ҳавои абрнок пешгӯӣ шуда, борони кӯтоҳмуддат (шабона дар баландиҳои зиёда аз 3000метр барф), меборад. Инчунин дар ноҳияҳои алоҳида борони пуршиддат ва ба амал омадани раъду барқ пешгӯӣ шуда, боридани жола аз эҳтимол дур нест. Шамол аз самти ғарб бо суръати 5-10 метр дар як сония мевазад. Ҳаво  дар водиҳо  шабона 7+12 ва рӯзона 10+15 дараҷа гарм мешавад.  Дар  ноҳияҳои кӯҳӣ ҳаво шабона 0+5 ва  рӯзона 5+10 дараҷа гарм  мешавад.

Дар шаҳри Душанбе ҳавои абрнок пешгӯӣ шуда, борон меборад. Инчунин Агентии обуҳавошиносӣ иттилоъ медиҳад, ки дар пойтаххти мамлакат борони кӯтоҳмуддат, дар баъзе ҳолатҳо бошиддат борида, эҳтимол раъду барқ ба амал ояд. Шамол аз самти ғарб бо суръати 5-10 метр дар як сония мевазад. Ҳарорати ҳаво шабона 8+11 ва рӯзона 12+14 дараҷа гарм мешавад.

Апрель 1, 2020 08:04

Хабарҳои дигари ин бахш

Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад
Имрӯз ҳаво дар шаҳри Душанбе то 35 дараҷа гарм мешавад
Дар Душанбе ба муносибати Истиқлолияти Амрико чорабинӣ баргузор шуд
Заминҳои назди бинои муассисаву идораҳои шаҳри Норак самаранок истифода мешаванд