Роҳбари СУТ даъват менамояд, ки барои бекор кардани маҳдудиятҳои вобаста ба пандемияи коронавирус шитоб накунанд
ДУШАНБЕ, 14.04.2020 /АМИТ «Ховар»/. Директори генералии Созмони Умумиҷаҳонии Тандурустӣ (СУТ) Тедрос Гебрейесус 13 апрел дар брифинг даъват ба амал овард, ки барои рафъи маҳдудиятҳои пандемияи COVID-19 эҳтиёткорона рафтор бояд намуд, хабар медиҳад АМИТ «Ховар» бо истинод ба Хадамоти матбуоти СММ.
Дар як зумра кишварҳо паҳншавии коронавирус қадре суст шудааст ва ҳукуматдорон дар фикри онанд, ки чорабиниҳо оид ба риоя намудани «масофаи иҷтимоӣ»-ро аз байн бардоранд.
Дар брифинг роҳбари СУТ ёдрас шуд, ки COVID-19 аслан як вируси нав аст ва ҷомеаи тиббӣ, инчунин мутахассисони соҳаи тандурустӣ дар бораи чигунагии он ҳангоми мубориза бо вирус маълумот хоҳанд гирифт. Ин ҷо одатан ба маълумоти охирин такя карда мешавад. Аз таҷрибаҳои кишварҳои мухталиф возеҳтар мегардад, ки вирус дар кадом ҳолат чӣ гуна рафтор мекунад ва чӣ тавр метавон инкишофи онро боздошт. Доктор Тедрос гуфт, ки мо метавонем танҳо дар асоси маълумоти омӯхтаамон амал намоем.
«Мо аллакай огоҳем, ки COVID-19 хеле босуръат паҳн шуда, касро мубталои марг месозад. Нисбат ба эпидемияи зукоми соли 2009 одамон аз ин вирус 10 маротиба зиёдтар мефавтанд. Набояд фаромӯш кард, ки вирус бештар дар ҷои серодам пайдо мешавад, масалан дар хонаи пиронсолон. Барои афзоиш наёфтани вирус мо бояд ҳар одамро сари вақт санҷида, ӯро аз дигарон ҷудо сохта, ба табобат фаро гирем. Мо инчунин медонем, ки дар баъзе кишварҳо шумораи гирифторон ҳар 3-4 рӯз дучанд мегардад».
Бояд таъкид намуд, ки паҳншавии вирус нисбат ба сустшавии он хеле зиёдтар аст. Ба ибораи дигар, вирус торафт ба ҷои суст шудан суръати паҳншавии худро метезонад. Бинобар ин, аз тадбирҳои қатъӣ тадриҷан ва зери назорати доимӣ бояд даст кашид. То дар вақти зарурат ҳолатҳои эҳтимолии нави сироят дубора ба табобати самаранок фаро гирифта шаванд.
«Ман борҳо таъкид намудам, ки фосила гирифтан байни одамон яке аз воситаҳои зарурии эҳтиёткорӣ мебошад», — ёдрас намуд директори генералии СУТ. Ҳар як давлат бояд ба вазъияти дар кишвараш вуҷуддошта баҳои воқеӣ дода, шаҳрвандони хешро ҳимоя намояд».
Дар акс: СУТ изҳор медорад, ки аз маҳдудиятҳо бояд тадриҷан ва боэҳтиёт даст кашид. Акси СММ /К.Пугачёва
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
