Сафорати Тоҷикистон дар Россия: “Шаҳрвандони мо бояд тадбирҳои андешидаи Ҳукумати кишвари иқоматро ҷиҳати пешгирӣ аз паҳншавии коронавирус комилан риоя намоянд”

ДУШАНБЕ, 01.04.2020 /АМИТ «Ховар»/. Сафорати Ҷумҳурии Тоҷикистон   дар Федератсияи Россия  бо дарназардошти вазъияти баамаломада-  паҳншавии коронавируси нав ва хатари он  дар ҷаҳон   бори дигар аз ҳамаи ҳамватанон  хоҳиш менамояд, ки ҳолати ба вуҷудомадаро дуруст ва воқеъбинона дарк намоянд. Ҳамзамон бо ҳисси масъулиятшиносӣ тадбирҳои   андешидаи Ҳукумати кишвари иқоматро ҷиҳати пешгирӣ аз паҳншавии коронавирус комилан риоя намуда, оромиро нигоҳ доранд.

Тавре АМИТ «Ховар» бо истинод ба Сафорати Тоҷикистон дар Россия хабар медиҳад, Ҳукумати Ҷумҳурии Тоҷикистон бо мақсади ҳалли мушкилоти шаҳрвандони мамлакат  тадбирҳои зарурӣ  андешида, аксарияти онҳоеро, ки хоҳиши ба Ватан баргаштан доштанд, тавассути 7 парвози чартерии ҳавопаймоҳои ватанӣ аз шаҳри Москва ба Тоҷикистон баргардонид.

Дар сурати имконпазир гардидани парвози ҳавопаймоҳо шаҳрвандон маълумотро танҳо аз сомонаҳои (сайтҳои) ширкатҳои ҳавопаймоӣ, Сафорат ва консулгариҳои генералии Тоҷикистон дар Россия, инчунин дигар мақомоти расмии Тоҷикистон дарёфт хоҳанд кард.

Айни замон бояд ҳар як фарди ҷомеа дуруст дарк намояд, ки ин вазъияти душвор пайомади пандемияи коронавирус буда, кишварҳо ба хотири таъмини амнияти аҳолӣ барои манъи хатсайрҳо ва бастани сарҳадҳояшон маҷбур гардиданд.

Дар чунин ҳолат тасмими дуруст ва рафтори шоиста ба хотири эҳтиёт кардани сиҳатмандии худ ва аҳли хонаводаю наздикон он аст, ки аз сафар ба дигар шаҳру минтақаҳо ва кишварҳо худдорӣ карда шавад. Зеро бо сабабҳои воқеӣ сафар кардан тавассути фурудгоҳу истгоҳҳои роҳи оҳан номумкин аст.

Аз ҳамватанон эҳтиромона изҳори хоҳиш мегардад:

— ба қадри имкон ҷойи зист ва ё маҳали кори худро бе зарурат тарк накунанд;

— бе зарурат аз метро ва дигар воситаҳои нақлиёти ҷамъиятӣ истифода набаранд ва дар маҳалҳои корӣ ва бозору фурӯшгоҳҳо ҷамъ наоянд;

— дар сурати имконпазир будан фаъолияти меҳнатӣ ва дигар эҳтиёҷот ба таври фосилавӣ анҷом дода шавад;

— ҳатман ҳамаи қоидаҳои беҳдошту тозагиро  риоя намоянд!

Дар сурати ба миён омадани мушкилот ва дигар ҳолатҳои зарурӣ, инчунин барои гирифтани посух ба суолҳо шаҳрвандон метавонанд ба таври шабонарӯзӣ ба намояндагиҳои дипломатии Тоҷикистон дар Россия бо рақамҳои телефон ва адресҳои эелектронии интернетии зерин тамос гиранд:

ш. Москва:

моб: +7 (926) 411 09 61

+7 (995) 501 87 33

+7 (985) 740-02-12

тел: +7 (495) 690-41-86

e-mail: tajembmoscow@mfa.tj

Facebook: @tajembassy.ru

website: www.tajembassy.ru

ш. Санкт-Петербург:

тел: +7 (812) 490-47-46

tajgencons.piter@mfa.tj

ш. Уфа:

тел: +7 (347) 276-52-96

tajconsufa@mfa.tj

ш. Екатеринбург:

тел: +7 (343) 370-23-60

tajconsek@mfa.tj

ш. Новосибирск:

тел: +7 (383) 349-59-70

tajgencons.nsk@mfa.tj