СУТ ваксинаи БСЖ-ро дар мубориза алайҳи коронавирус тавсия намедиҳад
ДУШАНБЕ, 14.04.2020 /АМИТ «Ховар»/. Созмони Умумиҷаҳонии Тандурустӣ оид ба он ки ваксинаи зидди сил- БСЖ метавонад хавфи гирифторӣ ба коронавирусро коҳиш диҳад, ягон далели қатъӣ надорад. Дар сурати мавҷуд набудани чунин далелҳо СУТ онро барои пешгирии COVID-19 тавсия намедиҳад, гуфтааст созмони мазкур.
«Ҳеҷ гуна далел вуҷуд надорад, ки ваксинаи Басилла Калмета — Герена (БСЖ) одамонро аз хавфи сирояти коронавирус ҳифз карда метавонад», омадааст дар шарҳи ҳаррӯзаи иттилоотии СУТ.
Зикр гардид, ки «аллакай озмоишҳо дар ин самт амалӣ гаштаанд, СУТ баъди ба даст овардани натиҷаҳо онҳоро арзёбӣ хоҳад кард».
Ёдрас менамоем, ки роҳбари Агентии биотиббии Россия, собиқ вазири тандурустии ин кишвар Вероника Скворсова бовар дорад, ки ваксинаи зидди сил метавонад дар мубориза бо коронавирус нақшгузор бошад. Бархе аз олимон ин ақидаро дастгирӣ кардаанд.
Дар ин робита, мудири кафедраи микробиология, иммунология ва вирусологияи Донишгоҳи давлатии тиббии Тоҷикистон ба номи Абӯалӣ ибни Сино Саидбек Сатторов дар мусоҳиба бо мухбири АМИТ «Ховар» иброз намуд, ки чун мутахассиси соҳаи тандурустӣ наметавонад бо ин фикр розӣ бошад, зеро аз нуқтаи назари илмӣ он ҳеҷ гуна асоси воқеӣ надорад.
«Он ки миёни афроди ваксинаи зидди сил гирифта беморон камтаранд, инро танҳо тасодуф метавон номид. Зеро вирусҳои ин бемориҳо гуногунанд, яке ба оилаи бактериявӣ, дигаре ба оилаи вирус мутааллиқ аст, байни онҳо ҳеҷ умумияте мавҷуд буда наметавонад. Аз ин рӯ, ман бо чунин ақида розӣ буда наметавонам», — гуфт Саидбек Сатторов.
Хурӯҷи бемории коронавирус охири соли 2019 дар Чин ба қайд гирифта шуда, баъдан ба аксари кишварҳо паҳн гаштааст. 11 март СУТ онро чун пандемия эътироф намуд.
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
