Вазорати тандурустӣ ва ҳифзи иҷтимоии аҳолӣ: «Айни замон 1880 нафар шаҳрвандоне, ки ба Тоҷикистон ворид гардиданд, дар карантин қарор доранд»
ДУШАНБЕ, 11.04.2020. /АМИТ «Ховар»/. Аз 1 феврал то 10 апрел 7 ҳазору 362 нафар шаҳрвандоне, ки аз кишварҳои хориҷ ба Ҷумҳурии Тоҷикистон ворид гардиданд, дар муассисаҳои тандурустӣ ва осоишгоҳҳои мамлакат ба карантин фаро гирифта шуданд. Аз шумораи зикршуда то 10 апрел 5 ҳазору 482 кас ба хонаҳояшон рухсат дода шуда, айни ҳол 1880 нафари он зери назорати карантинӣ қарор доранд.
Ин нукта зимни ҷаласаи навбатии ситоди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба пешгирии сирояти коронавирус, ки 10 апрел таҳти роҳбарии муовини Вазир Мирҳамуддин Камолзода доир шуд, баён гардид,
Тавре АМИТ «Ховар» бо истинод ба Вазорати тандурустӣ ва ҳифзи иҷтимоии аҳолӣ хабар медиҳад, дар ҷаласа масъалаҳои омодагии муассисаҳои тандурустӣ ба ҳолати эҳтимолии хуруҷи коронавирус, аз ҷумла бистарӣ ва табобат намудани сироятёфтагон, пурзӯр намудани назорати гузаргоҳҳои сарҳадӣ, таъмин намудани духтурон бо либосҳои муҳофизатӣ, боз ҳам чоннок намудани корҳои фаҳмондадиҳӣ дар байни аҳолӣ ҷиҳати риояи қоидаҳои гигиенаи шахсӣ ва дигар масъалаҳои вобаста ба он баррасӣ шуданд.
«Айни замон Маҷмааи тандурустии «Истиқлол» ба реҷаи фаъолияти омодагии сатҳи баланд гузаронида шуда, ҳамчун яке аз муассисаҳои муваққатӣ барои қабули гумонбарон ба сирояти коронавируси COVID-19 муайян карда шудааст ва дар ҳолати зарурӣ гумонбарон дар он ҷой карда мешаванд», — омадааст дар иттилоияи манбаъ.
Вазорати инчунин иттилоъ додааст, ки беморхонаи клиникии бемориҳои сироятии шаҳри Душанбе бо тамоми иқтидораш ва Маркази миллии тиббии Тоҷикистон «Шифобахш» барои ҷойгир намудани гумонбарони сирояти коронавирус омода карда шудаанд.
Дар маҷмӯъ, 3 ҳазору 150 кати табобатии нав барои сироятёфтагон тайёр карда хоҳанд шуд. «Албатта, ин ҳадди ниҳоӣ набуда, вобаста ба ҳолати пешомада боз катҳои иловагии нав ҷудо карда мешаванд»,-афзуд манбаъ.
Ёдовар мешавем, ки дар Тоҷикистон то имрӯз сироятёбӣ ба коронавирус ба қайд гирифта нашудааст, вале ба ин нигоҳ накарда масъулини соҳаҳои дахлдор чораҳои пешгирикунандаи вуруди ин вирус ба мамлакатро пурзӯр намуда истодаанд.
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
