ВАЗОРАТИ ТАНДУРУСТИИ ТОҶИКИСТОН ХАБАР МЕДИҲАД: Ба муассисаҳои тандурустии ҷумҳурӣ воситаҳои зарурии муҳофизатӣ тақсим мекунанд
ДУШАНБЕ, 29.04.2020 /АМИТ «Ховар»/. Дар доираи андешидани тадбирҳои пешгирии пайдоиш ва паҳншавии коронавирус барои Тоҷикистон як зумра воситаҳои муҳофизати инфиродӣ харидорӣ гардиданд. Ин воситаҳо ба 25 муассисаи тандурустии ҷумҳурӣ тақсим карда мешаванд. Дар ин бора ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Аз ҷумла, ҳафтаи гузашта 1863 адад либоси тиббии якдафъаина (комбинезон), 1000 адад дастпӯшаки гигиенӣ, 2 ҳазор адад респиратор (асбоб барои аз чангу газҳои заҳрдор муҳофизат кардани узвҳои нафас), 1500 адад ниқоб, 1000 адад айнак, 1500 адад сипари рӯйпӯши пластикӣ, 6 ҳазор кило хлор, 2 ҳазор адад маҳлули антисептикӣ, 100 адад лампаи ултрабунафш, 1000 адад кулоҳҳои якдафъаинаи тиббӣ, 1000 адад рӯйпӯши пойафзол (бахил) ва 50 адад ҳароратсанҷ (сканерҳои гармидиҳӣ) миёни муассисаҳои тиббӣ тақсим карда шуданд.
Бояд тазаккур дод, ки ҳамаи ин воситаҳои болозикр ба Тоҷикистон аз ҷониби Агентии Швейтсария оид ба Рушд ва Ҳамкорӣ ва Хазинаи кӯдакони Созмони Милали Муттаҳид (ЮНИСЕФ) расонида шудаанд.
Маблағи умумии ёрии башардӯстонаи интиқолшуда 500 ҳазор сомониро ташкил дод.
Ҳамаи воситаҳо барои таъмини бехатарӣ дар муассисаҳои тиббӣ ва омодагии кормандони тиб барои кумаки саривақтӣ ҷудо карда мешаванд.
Илова бар маводи коммуникатсионӣ, ки қаблан барои дастгирии маъракаи умумидавлатӣ оид ба тағйир додани рафтор дар робита ба COVID-19 таҳия шуда буданд, бастаи коммуникатсионӣ барои мутахассисони пешрафтаи тиббӣ бо мақсади баланд бардоштани сатҳи дониши онҳо оид ба кор бо иттилоот, асбоб ва тартибот барои муборизаи бехатар ва самаранок бар зидди COVID-19 дар ҷойҳо таҳия карда мешавад.
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
