COVID-19. Муовини Сарвазири Тоҷикистон Ширин Исматуллозода дар ноҳияи Рӯдакӣ ҷаласаи корӣ доир кард
ДУШАНБЕ, 29.05.2020 /АМИТ «Ховар»/. Тибқи дастури Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Гуруҳи корӣ таҳти роҳбарии муовини Сарвазири мамлакат Ширин Исматуллозода бо мақсади таҳлили ҳолати воқеии пешгирӣ ва табобати бемории коронавируси навъи COVID-19 ва гузаронидани корҳои фаҳмондидиҳӣ дар шаҳру ноҳияҳои тобеи ҷумҳурӣ ба сафари корӣ баромад.
Тавре аз Мақомоти иҷроияи ҳокимияти давлатии ноҳияи Рӯдакӣ ба АМИТ «Ховар» иттилоъ доданд, субҳи имрӯз муовини Сарвазири мамлакат Ширин Исматуллозода дар маркази ноҳияи Рӯдакӣ бо иштироки Раиси ноҳия Рустам Акрамзода, намояндагони Кумитаи кор ҷавонон ва варзиши назди Ҳукумати Ҷумҳурии Тоҷикистон, сарварони дармонгоҳҳо, роҳбарони марказҳои саломатӣ ва фаъолони ноҳия ҷаласаи корӣ баргузор намуд.
Муовини Сарвазири мамлакат вобаста ба гузаронидани суҳбатҳо байни аҳолӣ, дарёфти нафарони табашон баланд, равон намудани онҳо ба беморхонаҳо ва дигар масъалаҳои муҳим аз масъулини соҳаи тандурустӣ ва роҳбарони марказҳои саломатӣ пурсон шуд.
Зикр гардид, ки айни замон дар ноҳияи Рӯдакӣ маркази саломатӣ ноҳиявӣ, 30 маркази саломатӣ дар деҳот ва 81 бунгоҳҳои саломатӣ фаъолият мекунанд. Дар самти пешгирӣ аз паҳншавии бемории коронавирус тадбирҳо пурзӯр карда шудаанд. Тибқи иттилои масъулини Маркази назорати давлатии санитарию эпидемиологии ноҳия, ҳамарӯза корҳои безараргардонӣ бо истифода аз нақлиёту дастгоҳҳои зарурӣ анҷом дода мешаванд. Барои иҷрои саривақтии корҳои безараргардонӣ миқдори заруриии маҳлулҳо захира карда шудаанд.
Дар ин самт корҳо аз ҷониби марказҳои кумаки аввалини тиббию санитарӣ низ тақвият дода шуда, табибони оилавии ҳамаи марказҳои саломатӣ имрӯзҳо корҳои фаҳмондадиҳӣ ва назорати солимии сокинонро дар мадди аввал қарор додаанд. Маводи доруворӣ, корҷомаҳо ва дигар лавозимоти тиббӣ ба таври кофӣ захира карда шудаанд.
Муовини Сарвазири мамлакат дастур дод, ки корҳои фаҳмондадиҳӣ, гардиши хона ба хонаи табибони оилавӣ ва ташхиси саривақтии нафарони дорои нишонаҳои коронавирус ба таври ҷиддӣ ба роҳ монда, дар ин роҳ фаъолияти масъулин, занону ҷавонон ва омӯзгорони муассисаҳои таълимӣ ҷоннок карда шавад.
Дар интиҳои ҷаласа Ширин Исматуллозода ҷиҳати боз ҳам хубтар ба роҳ мондани фаъолият, пеш аз ҳама, иҷрои саривақтии корҳои безараргардонӣ ба масъулин дастуру супоришҳои мушаххас дод.
Хотиррасон мешавем, ки чунин ҷаласаи корӣ таҳти роҳбарии Ширин Исматуллозода дирӯз дар шаҳру навоҳии Турсунзода, Ҳисор ва Шаҳринав ва имрӯз дар ноҳияи Варзоб низ баргузор гардид. Ҳоло Гуруҳи корӣ дар шаҳри Ваҳдат қарор дорад.
ДАР АКСҲО: ҷаласаи корӣ дар ноҳияи Рӯдакӣ.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
