Баъди анҷоми пандемия кумак намудан ба кишварҳои камбизоат ба манфиати ҷомеаи ҷаҳонӣ хоҳад буд

Май 7, 2020 10:45

ДУШАНБЕ, 07.05.2020 /АМИТ «Ховар»/. Кумак намудан ба кишварҳои камбизоат  баъд  аз пандемияи коронавирус   ин ба манфиати ҷомеаи ҷаҳонӣ аст, менависад муовини Дабири кулли СММ, ҳамоҳангсози  масоили  кумаки башардӯстона Марк Лоукок.

Тавре «АЗЕРТАДЖ»   бо истинод ба  «Гардиан»  хабар медиҳад, агар  ба кишварҳои ҷаҳони сеюм  дар ҳаҷми 90 миллиард доллари ИМА  кумак  расонда нашавад,  оламро  низоъҳои  ҷангӣ, гуруснагӣ,  камбизоатӣ  ва харобию  бесарусомонӣ  фаро мегирад.  Бинобар ин, расонидани кумак ҳаётан муҳим аст, чунин меҳисобад  мансабдори СММ.

Лоукок дар ин маврид фикрашро чунин баён намудааст: «Ин кумак танҳо як фоизи он маблағе мебошад, ки кишварҳои  сарватманд аллакай барои мубориза  бо пандемия сарф кардаанд».  Аз рӯи натиҷагириҳо, истеҳсоли  ҷаҳонӣ  дар соли равон  3 дарсад коҳиш хоҳад ёфт, ки  ин бӯҳрони бузургтарин аз замони таназзули иқтисодӣ мебошад. Аз се ду ҳиссаи маблағи заруриро   метавонанд  Хазинаи байналмилалии асъор ва Созмони байналмилалии тиҷорат пардохт намояд.

Дарк намудани   оқибатҳои гарони таназзули иқтисодие, ки  ин офат расонидааст, ҷаҳонро  ҳанӯз дар пеш аст. Пандемия қисмати пешрафтаи ҷомеаи ҷаҳониро  рӯ ба таназзул намуда,  ба кишварҳои қашшоқ  зарбаи харобиовар ва тахрибкорона расонд. Чунин вазъият аз кишварҳои сарватманд ва созмонҳои байналмилалии молиявӣ куллан тағйир додани муносибат, усулҳои маблағгузорӣ  ва арзёбиро тақозо менамояд. Шакли ҷаҳонии  савдо, ки то замони пандемия вуҷуд дошт, ба коми нестӣ фурӯ рафт. Вазъи  фавқулоддаи кунунӣ амалҳои  ғайриқолабиро тақозо мекунад.

Ба ибораи дигар, агар барои кишварҳои сарватманд хароҷот то як фоиз афзоиш ёбад, пас созмонҳои молиявӣ  вазифадоранд, ки  шартҳои қарздиҳӣ  ва усулҳои арзёбии онро  куллан тағйир диҳанд.

Агар имрӯз  ин кор анҷом напазирад, пас бӯҳрон боз ҳам тезу тунд шуда, яке паси ҳам кишварҳоро фаро мегирад ва дунё    ба муддати тӯлонӣ  бо гуруснагӣ, муҳоҷирати беназорат, радикализм ва терроризм  рӯ ба рӯ  хоҳад  шуд.

Май 7, 2020 10:45

Хабарҳои дигари ин бахш

Анутхин Чанвиракун Сарвазири нави Таиланд интихоб гардид
Дар Покистон 766 ҳазор нафар аз минтақаҳои аз обхезӣ зарардида кӯчонида шуданд
Бар асари заминларзаи шадид дар Афғонистон беш аз 1120 нафар ҳалок шуданд
Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид