COVID-19. Дар Муъминобод занҳои қобили таваллуд аз бемории коронавирус эмин нигоҳ дошта мешаванд

Май 19, 2020 16:20

МУЪМИНОБОД, 19.05.2020 АМИТ «Ховар». Имрӯзҳо дар  кӯчаю маҳаллаҳо ва тамоми ташкилоту муассисаҳои ноҳияи Муъминобод низ чун дар тамоми ҷумҳурӣ корҳои беҳдоштию тамизкунӣ ба роҳ монда шудаанд. Масъулини  Маркази солимию репродуктивии ноҳия баҳри пешгирии  бемории COVID-19 бо занҳои қобили таваллуд  дар ҷамоатҳои шаҳрак ва деҳот вохӯриҳо гузаронида истодаанд.

Тавре директори Маркази солимию репродуктивии ноҳия Замира Юлдошзода иттилоъ дод, барои пешгирӣ аз бемории коронавирус тамоми тадбирҳо андешида мешаванд.

«Бемории  коронавирус мо, кормандони марказро  бетараф намегузорад. Мо вазифадорем, ки бештар бо занҳои қобили таваллуд  ва ҳомиладор  вохӯрӣ анҷом диҳем ва ба онҳо  фаҳмонем, ки  ба қоидаҳои гигиенаи шахсӣ риоя намуда, ҳамеша эҳтиёткор бошанд.  Дар ноҳия шумораи занҳо 49 ҳазору 188  ададро ташкил медиҳанд, ки аз он 24 ҳазору 619 нафарашон занҳои қобили таваллуданд. Мо  ҳамарӯза  ба ҷамоатҳои шаҳраку деҳот рафта,  ба занҳо  сари вақт  шустани дастон бо  собун ва маҳлулҳои антисептикӣ, ҳатман пӯшидани ниқоб,  ҳамеша таҳти назорат гирифтани кӯдаконро мефаҳмонем»,- гуфт номбурда.

Замира Юлдошзода мегӯяд, ки хушбахтона, то холо  дар  ноҳияи Муъминобод байни занҳо бемории коронавирус  ба қайд гирифта нашудааст. Дар ин давра  беш аз 80 нафар зан  барои санҷиши ҳарорат  ва ҳомиладорӣ  муроҷиат намудаанд. Санҷиш нишон дод, ки  ҳарорати онҳо муътадил буда, ин беморӣ дар онҳо дида  намешавад. «Мо кӯшиш менамоем, ки  мушкилоти   занҳои муроҷиатнамударо сари вақт  бартараф намоем.  Аз ин рӯ ба   мардум гуфтаниям, ки ба воҳима   дода нашуда, қоидаҳои гигиенаи шахсиро  бештар риоя ва худу наздиконашонро эҳтиёт намоянд»,- иброз дошт директори Маркази солимию репродуктивии ноҳияи Муъминобод.

Май 19, 2020 16:20

Хабарҳои дигари ин бахш

Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
Дар шаҳри Хуҷанд клиникаи муосири оилавии муосири 1+1 ифтитоҳ гардид
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
СОЛИ МАЪРИФАТИ ҲУҚУҚӢ. Андешаҳо оид ба моҳияти фалсафии он