COVID-19. Имрӯз дар заминаи Коллеҷи тиббии ҷумҳуриявӣ дар шаҳри Душанбе беморхонаи муваққатӣ барои 500 ҷой ба табобати беморон шуруъ мекунад
ДУШАНБЕ, 08.05.2020 /АМИТ «Ховар»/. Нимаи дуюми имрӯз дар заминаи бинои навсохти Коллеҷи тиббии ҷумҳуриявӣ беморхонаи муваққатӣ барои табобати беморони гирифтори коронавирус бо 500 ҷой барои беморон ва 150 ҷой барои табибон мавриди истифода қарор дода мешавад.
Субҳи имрӯз Ёрдамчии Президенти Ҷумҳурии Тоҷикистон оид ба рушди иҷтимоӣ ва робита бо ҷомеа Абдуҷаббор Раҳмонзода ва Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз ҳолати беморхона ва шароити он дидан намуданд.
Тавре каблан хабар дода будем, бо назардошти вазъияти баамаломада Раиси шаҳри Душанбе Рустами Эмомалӣ Раёсати тандурустӣ ва дигар сохторҳои марбутаи шаҳрдориро вазифадор намуданд, ки дар кӯтоҳтарин муҳлат аз ҳисоби имконияту захираҳои мавҷуда дар ҳудуди шаҳри Душанбе ба таври иловагӣ беморхонаҳои муваққатии табобатиро бо беш аз 3000 (се ҳазор) кати хоб ҷиҳати муолиҷаи беморони гирифтори вируси сироятии короновирус — COVID-19 бо муҳайё кардани тамоми шароити муосири замонавӣ, бахусус мутахассисони баландихтисоси соҳибтаҷриба, таҷҳизоти тиббӣ ва таъминоти дорувории баландсифат барои истифода омода намоянд.
ДАР АКС: сардухтури Беморхонаи муваққатӣ Тӯрахон Шарифзода
Ҳоло дар Ҷумҳурии Тоҷикистон ҳолати зиддиэпидемиологӣ ва тадбирҳои пешгирии паҳншавии сирояти нави коронавирус (CОVID-19) таҳти назорати доимии Пешвои миллат муҳтарам Эмомалӣ Раҳмон, Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ ва Ситоди ҷумҳуриявӣ оид ба пешгирӣ аз паҳншавии бемории коронавирус қарор дорад.
Аз ин рӯ, дар ин лаҳзаҳои ҳассос аз аҳолии мамлакат хоҳиш карда мешавад, ки ба таҳлука наафтанд ва қоидаҳои шахсии беҳдоштиро пайваста риоя намоянд.
ДАР АКСҲО: шароит дар Беморхонаи муваққатӣ
P.S. Қоидаҳои беҳдоштии шахсиро, ки Созмони умумиҷаҳонии тандурустӣ тавсия додааст, дар саҳифаи аввали сомонаи АМИТ «Ховар» бо забонҳои тоҷикию русӣ мутолиа кунед.
Дурнамои ҳамкории шаҳри Душанбе ва иёлоти Ютаи Амрико баррасӣ шуд
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
