АГЕНТИИ НАЗОРАТИ МАВОДИ НАШЪАОВАР 21-СОЛА ШУД. Ин сана нишон медиҳад, ки ташаббуси Президенти Тоҷикистон саривақтӣ ва дурандешона буд

Июнь 1, 2020 11:21

ДУШАНБЕ, 01.06.2020 /АМИТ «Ховар»/. 1 июни соли 2020 ба таъсиси Агентии назорати маводи нашъаовари назди Президенти Ҷумҳурии Тоҷикистон 21 сол пур шуд. 27 апрели соли 1999, дар пойтахти Австрия — Вена Президенти Ҷумҳурии Тоҷикистон Эмомалӣ Раҳмон ва Муовини Дабири кулли СММ — Директори иҷроияи Дафтари  СММ оид ба маводи мухаддир ва ҷинояткорӣ Пино Арлакки Протоколро байни Ҳукумати Ҷумҳурии Тоҷикистон ва СММ дар бораи таъсиси Агентии назорати маводи нашъаовари назди Президенти Ҷумҳурии Тоҷикистон ба имзо расониданд. Дар асоси Протокол, 1 июни соли 1999 бо Фармони Президенти Ҷумҳурии Тоҷикистон №128 дар назди Президенти Ҷумҳурии Тоҷикистон Агентии назорати маводи нашъаовар таъсис дода шуд.

Ин сана нишон медиҳад, ташаббуси саривақтӣ ва дурандешона будани иқдоми Президенти мамлакат муҳтарам Эмомалӣ Раҳмонро дар мавриди таъсиси идораи махсуси ваколатдор бо дастгирии СММ, ки дар назди он вазифаи пурзӯр кардани мубориза бо ҷиноятҳои алоқаманд бо гардиши ғайриқонунии маводи  мухадир, тайғири бунёдии стратегияи мубориза бо муомилоти ғайриқонунии воситаҳои нашъаовар, моддаҳои психотропӣ ва прекурсорҳои онҳо, инчунин пешгирии нашъамандӣ вогузор шуда буд, тасдиқ намуд.

Роҳбарияти Раёсати СММ оид ба маводи нашъаовар ва ҷинояткорӣ лоиҳаи зидди мухаддиротии Тоҷикистонро яке аз беҳтарин ва муваффақтарин лоиҳаҳои СММ дар самти назорати маводи мухаддир эътироф намудааст. Тибқи арзёбии коршиносони ватаниву хориҷӣ, имрӯз Агентии назорати маводи нашъаовари назди Президенти ҶТ дар системаи мақомоти ҳифзи ҳуқуқи мамлакат мавқеи шоиста дорад.

Ҳукумати Тоҷикистон мубориза бар зидди гардиши ғайриқонунии маводи мухаддирро ҷузъи ҷудонашавандаи мубориза бар зидди терроризми байналмилалӣ ва ҷинояткории муташаккили фаромиллӣ мешуморад.

Соли 1998, яъне якчанд сол пеш аз ҳодисаҳои фоҷиабори сентябри соли 2001 дар Иёлоти Муттаҳидаи Амрико, ҷомеаи ҷаҳонро аз ҳалли мушкилоти Афғонистон даъват намуда, мо аз хатари паҳншавии терроризм ва экстремизм ва инчунин паҳншавии маводи мухаддир аз Афғонистон огоҳ карда будем.

Пӯшида нест, ки паҳншавии маводи мухаддир натанхо ба амнияти давлат ва генофонди миллат тахдид мекунад, балки боиси доман пахн кардани ҷинояткорй, аз ҷумла терроризми байналмилалй гардида, барои ҷомеаи ҷаҳонй хатари ҷиддй дорад. Бо дарки ин хатарҳо Роҳбарияти Тоҷикистон сиёсатеро пеш гирифт, ки хадаф аз он муборизаи катъй бар зидди ин падидаи номатлуб буд ва гузашти вақт дурустии онро нишон дод. Зеро истеҳсол ва қочоқи маводи мухаддир имрӯз микёси глобалй пайдо карда, аз як тараф миллионҳо одамонро дар кишварҳои гуногуни олам гирифтори бемории нашъамандй месозад ва аз сӯи дигар, барои терроризми байналхалқй ва экстремизм заминаи мусоиди молиявй ба вуҷуд меорад.

Ташкил гардидани Агентии назорати маводи нашъаовар соли 1999  натиҷаи мантиқии сиёсати пешгирифтаи давлати мо дар самти муборизаи катъӣ бо ин вабои ҳазорсолаи нав мебошад.

Агентӣ имрӯз ҳамчун сохтори асосии татбиқкунандаи сиёсати давлат дар самти мубориза бар зидди гардиши ғайриқонунии маводи мухаддир эътироф шудааст.

АМИТ «Ховар» кормандони Агентии назорати маводи нашъаовари назди Президенти Ҷумҳурии Тоҷикистонро бо 21-умин солгарди таъсиси нахустин мақомоти зидди маводи мухаддир табрик гуфта, барои онҳо саломатии бардавом ва дар иҷрои хидмати масъулиятатон муваффақият таманно менамояд.

ДАР АКС: Президенти Ҷумҳурии Тоҷикистон Эмомалӣ Раҳмон ва Муовини Дабири кулли СММ — Директори иҷроияи Дафтари СММ оид ба маводи мухаддир ва ҷинояткорӣ Пино Арлакки. 27 апрели соли 1999 Вена, Австрия. Акс аз бойгонӣ

Июнь 1, 2020 11:21

Хабарҳои дигари ин бахш

ДАЪВАТИ ТИРАМОҲӢ. Аввалин гурӯҳи ҷавонони шаҳри Панҷакент ба хизмати Ватан раҳсипор шуданд
ДАЪВАТИ ТИРАМОҲӢ. 60 нафар ҷавонони Файзобод ба сафи муҳофизони Артиши миллӣ пайвастанд
Теъдоди осебдидагон дар заминларзаи Эрон аз 500 нафар гузашт
ДАЪВАТИ ТИРАМОҲӢ. Латиф Холиқов, падари наваскар: «Ифтихор мекунам, ки фарзандонам ба сафи муҳофизони Ватан пайвастаанд»
ИМРӮЗ- РӮЗИ ТАЪСИСИ ВОҲИДҲОИ ОПЕРАТИВӢ. 90% ҷиноятҳо аз ҷониби кормандони сохтори фаврӣ ошкор карда мешаванд
СММ дар бораи кушта шудани беш аз 40 нафар дар таркиши Кобул хабар дод
ДАЪВАТИ ТИРАМОҲӢ. Дар Истаравшан ба 10 нафар наваскарони фаъол дар вазъияти тантанавӣ шаҳодатномаҳои ронандагӣ супорида шуданд
ДАЪВАТИ ТИРАМОҲӢ. Ҷавонони Шаҳринав бо дуои неки модарон ба сафи Артиши миллӣ сафарбар шуданд
ДАЪВАТИ ТИРАМОҲӢ. Шаҳру ноҳияҳои Данғара, Вахш, Фархор ва Норак аввалин шуда, ин маъракаи сиёсиро ба анҷом расониданд
ДАЪВАТИ ТИРАМОҲӢ. 100 нафар ҷавонони шарафманди ноҳияи Ашт ба сафи Қувваҳои мусаллаҳи Тоҷикистон шомил шуданд
ДАЪВАТИ ТИРАМОҲӢ. Дар Ҳисор маросими гусели наваскарон ба сафи Артиши миллӣ бошукӯҳ таҷлил гардид
ДАЪВАТИ ТИРАМОҲӢ. Наваскарони шаҳри Кӯлобро бо иҷрои маросими мардумии «Нонгазон» ба хизмати содиқона гусел намуданд

Хабарҳои муҳимтарин