АИБ «Казинформ»: Нурсултон Назарбоев ба коронавирус гирифтор шуд

Июнь 19, 2020 11:36

ДУШАНБЕ, 19.06.2020 /АМИТ/. Нурсултон Назарбоев ба бемории коронавирус гирифтор шуда, ҳоло дар инзивои шахсӣ қарор дорад, хабар медиҳад агентии иттилоотии давлатии «Казинформ» бо истинод ба хадамоти матбуоти Елбаси.

«Ҳоло Президенти якуми Қазоқистон дар инзивои шахсӣ қарор дорад. Мутаассифона, ташхиси охирини Елбаси оид ба сирояти коронавирус натиҷаи мусбӣ нишон дод, вале ҷойи нигаронӣ нест. Нурсултон Назарбоев фаъолиятро фосилавӣ идома медиҳад», — омадааст дар хабари сомонаи расмии Елбаси.

Инчунин, иттилои мазкурро котиби матбуоти Елбаси Айдос Укибай низ дар «Twitter» нашр кард.

Қаблан хабар дода шуда буд, ки вазири тандурустии Қазоқистон Елжан Биртанов ба бемории коронавирус гирифтор шуда, Сарвазир Аскар Мамин, вазири кишоварзӣ Сапархан Омаров, вазири экология, геология ва захираҳои табиӣ Магзум Мирзагалиев, вазири маориф ва илм Асхат Аймагамбетов, раиси вилояти Ҷамбил Бердибек Сапарбаев ва Раиси Маҷлис Нурлан Нигматулин ба инзивои шахсӣ рафтаанд.

                                                                         АКСИ БОЛО аз бойгонӣ

Июнь 19, 2020 11:36

Хабарҳои дигари ин бахш

51 ҷангҷӯи «Аш-Шабоб» дар ҷануби Сомалӣ маҳв карда шуданд
Дабири кулли СММ аз хатари пайдоиши вирусҳои нави зоонозӣ ҳушдор медиҳад
Дар ҷаҳон зиёда аз 577 ҳазор ҳолати сироятёбӣ аз коронавирус дар як рӯз сабт шудааст
Имрӯз Россия дар СММ ваксинаи «Спутник V»-ро муаррифӣ мекунад
Коронавирус дар ҷаҳон: шумораи мубталоён аз 63 млн зиёд шудааст
Дар ҷаҳон зиёда аз 613 ҳазор нафар дар як шабонарӯзи охир ба коронавирус сироят ёфтанд
Вазири корҳои хориҷии Кореяи Ҷанубӣ аз кишварҳои Осиёи Марказӣ даъват кард, ки дар пешбурди муколама бо ҶХДК кумак намоянд
Раҳбари СММ ҳамлаҳои мушакиро ба Кобул маҳкум намуд
COVID-19. Дар Тоҷикистон 94,6% гирифторони коронавируси нав шифо ёфтанд
СУТ изҳор намуд, ки ваксина пандемияи коронавирусро манъ намекунад
Шӯрои уламои Арабистони Саудӣ ташкилоти «Ихвон-ул-муслимин»-ро ҳамчун созмони террористӣ ва ғайридинӣ эътироф кард
ЯКЕ АЗ ШАСТУ СЕ НАФАР. Содир Ҷабборов номзадияшро ба мансаби президенти Қирғизистон пешниҳод кард