Ба осебдидагони ноҳияи Хуросон кумаки навбатӣ расид
ДУШАНБЕ, 15.06.2020. /АМИТ «ХОВАР»/. Ба осебдидагони сел дар ноҳияи Хуросон кӯмаки навбатии башардӯстона аз Сафорати Ҷумҳурии Покистон дар Тоҷикистон расид. Сокинони хонаҳои осебдида дар мавзеи нав ба бунёди манзилҳои нав шуруъ кардаанд. Дирӯз ихтиёриён аз ташкилоту муассисаҳои вилоят ба ёрии сокинон омаданд. Кумитаи ҳолатҳои фавқулода ва мудофиаи граждании назди Ҳукумати ҶТ барқарорсозии харобаҳои сел ва рафти корҳои сохтмониро дар мавзеи нав таҳти назорати пурраи худ қарор додаанд.
Дар ин бора аз Кумитаи ҳолатҳои фавқулода ва мудофиаи граждании назди Ҳукумати ҶТ ба АМИТ «Ховар» хабар доданд.
Бо ташаббуси Кумитаи ҳолатҳои фавқулода ба осебдидагони ноҳияи Хуросон кӯмакҳои нав расиданд. Сафорати Ҷумҳурии Исломии Покистон дар Тоҷикистон ба зарадидагони деҳаи Чорбоғи ҷамоати С.Айнии ноҳияи Хуросон 67 тонна семент чун ёрии башарӣ кумак намуд.
Дар маросими таҳвили ёрии башарӣ Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон ҷаноби Имрон Ҳайдар, муовини раиси Кумитаи ҳолатҳои фавқулода полковник М.Салимзода, ҳамчунин намояндагони ҳукумати иҷроияи вилоят ва ноҳия ширкат намуданд.
Сафири ҶИП зимни суханронии худ изҳор дошт, ки халқи Покистон ҳамеша омодаи кӯмак ба бародарони тоҷики худ мебошад.
Ин миқдор ёрии башарӣ бо техникаи Кумитаи ҳолатҳои фавқулода ба макони сохтмони хонаҳои нав расонида шуд ва бо иштироки намояндагони комиссияи ҳолатҳои фавқулодаи ноҳия ба осебдидагон тақсим карда шуд.
Дар ҳамин ҳол дафтари матбуотии раиси вилояти Хатлон хабар дод, ки дирӯз, 14-уми июн гурӯҳи кормандони мақомоти иҷроияи ҳокимияти давлатии вилояти Хатлон барои кӯмак дар умури сохтмонӣ ба маҳаллаи навбунёди Чорбоғи ноҳияи Хуросон омаданд. Бо дастури раиси вилоят Қурбон Ҳакимзода, мутахассисони соҳаи меъморӣ лоиҳаи сохтмони манзилро барои ҳар як оила таҳия намуда, ҳоло бинокорон аз рӯйи ин тарҳҳо хона месозанд.
Ин манбаъ ҳамчунин иттилоъ дод, ки ба ҳолати 13 июни соли 2020, аз 68 хонаи пурра ва қисман зарардида корҳои ҷобаҷокунӣ ва ҳамворкунии он 100%, кандани хандақ (траншея) 100%, асоси таҳкурсӣ (подушка) 100%, таҳкурсӣ дар 51 хона 100%, дар 17 хона сохтмони зербино дар арафаи анҷомёбист. Инчунин, дирӯз дар 5 хона бардоштани девор оғоз гардид.
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
