«БО ПЕШВОИ ВАҲДАТОФАРАМ ИФТИХОР МЕКУНАМ». Таҳти чунин шиор дар Душанбе ҳамоиш баргузор гардид
ДУШАНБЕ. 25.06.2020. /АМИТ «Ховар»/. Имрӯз бо ташаббуси Ташкилоти ҷамъиятии «Пайравони Пешвои миллат» дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи Ваҳдати миллӣ дар Боғи Ирам ҳамоиши ҷавонони фаъол таҳти унвони «Бо Пешвои ваҳдатофарам ифтихор мекунам» баргузор гардид, хабар медиҳад АМИТ «Ховар».
Дар ҳамоиш раиси Ташкилоти ҷамъиятии «Пайравони Пешвои миллат», Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода, гирандагони стипендияи Президентӣ, шунавандагони курси доимамалкунандаи ташкилот, намояндагони васоити ахбори оммаи кишвар, ҷавонони фаъол иштирок ва суханронӣ намуданд.
Абдулло Раҳмонзода зимни суханронии хеш иброз намуд, ки Ваҳдати миллӣ бузургтарин дастоварди даврони соҳибистиқлолии кишвар буда, ин гавҳари шоистаи миллат бо талошҳои хастанопазири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омад, ки рисолати ҳимояи арзишҳои ваҳдатофарӣ ва талқини ваҳдатсозиро дар замири ҷавонон фароҳам меоварад.
«Мо насли ҷавони кишвар вазифадорем, ки дар пайравӣ аз сиёсати оқилонаи Пешвои маҳбуби миллат, муҳтарам Эмомалӣ Раҳмон баҳри ҳимояи арзишҳои миллию фарҳангӣ, осори пурғановати миллати тоҷик ва дастовардҳои бузурги даврони соҳибистиқлолии кишвар синаи хешро сипар намуда, якдилона бар зиддӣ ҳама гуна гурӯҳҳои манфиатҷӯ ва манфиатхоҳ муборизаи беамон барем,» — зикр кард А. Раҳмонзода.
Дар ҳамоиш инчунин аз ҷониби корманди ташкилот Ҳасанҷон Ваҳобзода муроҷиатномаи ҷавонони фаъоли кишвар ба Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қироат карда шуд.
Ҳамзамон, раиси ташкилот маблағҳои гирандагони стипендияҳои Президенти Ҷумҳурии Тоҷикистон дар соли 2019 – 2020, ки дар шаҳри Душанбе таҳсил менамоянд, супорид. Дар ин замина, ба хатмкунандагони курси «Пайравони Пешвои миллат» шаҳодатномаи хатм супорида шуд.
Дар фарҷоми ҳамоиш барномаи театркунонидашуда саршор аз Ваҳдату якдилӣ ва ягонагии мардуми сарбаланди Тоҷикистон ба намоиш гузошта шуд.
НИШАСТИ МАТБУОТӢ. Ваколатдор оид ба ҳуқуқи инсон лоиҳаи 37 санади меъёрии ҳуқуқиро мавриди омӯзиш қарор додааст
Бунафша Файзиддинзода: «Бо вуҷуди коҳиши бекоршавии ақди никоҳ ҳалли ин масъала таваҷҷуҳи доимиро тақозо мекунад»
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
