Дар Кӯлоб маъракаи ҷамъоварии ҳосили ғалладонагӣ оғоз гардид

Июнь 29, 2020 10:34

ДУШАНБЕ, 29.06.2020 /АМИТ «Ховар»/. Дар шаҳри Кӯлоб кишоварзон корҳои саҳроиро вусъат бахшида, ба ҷамъоварии ҳосили ғалладонагӣ ва маҳсулоти барвақтӣ шуруъ менамоянд. Яке аз маъракаҳои муҳим барои кишоварзон ҷамъоварии ғалла мебошад ва дар ҷамоати деҳоти Зиракии шаҳри Кӯлоб бо ҷалби техникаҳои ғалладарав ба ин маърака оғоз карданд. Дар ин бора хабарнигори минтақавии АМИТ «Ховар» Сулаймон Холов хабар медиҳад.

Солҳои қаблӣ ҷамъоварии ғалларо дар ин ҷамоат ду ҳафта пеш шуруъ мекарданд, имсол бошад бо сербориш омадани фасли баҳор каме ба таъхир афтод. Кишоварзон азм доранд ҳар чӣ зудттар ғалларо ҷамъоварӣ карда дар заминҳои аз кишти ғалла ва маҳсулоти барвақтӣ холишуда кишти такрорӣ гузаронанд.

Тавре раиси ҶД «Зиракӣ» Ҳусниддин Зардиев иброз намуд, имсол хоҷагиҳои деҳқонӣ дар майдони 2169 гектар кишти ғалладонагӣ гузарониданд, ки айни ҳол ҷамъоварии ғалла идома дошта, аз ҳар як гектар 36 сентнерӣ ғалла ба даст оварда истодаанд. Инчунин, хоҷагиҳои деҳқонӣ дар заминҳи обӣ кишти зироатҳои техникӣ, сабзавот, картошка, полезӣ ва зироатҳои хуроки чорво гузаронидаанд, ки нақша доранд хосили фаровон ба даст оранд.

Номбурда зикр кард, ки яке аз деҳқонони асил Нурхон Маҳмадуллоев аз заминҳои корами обии кооперативи тиҷоратии ба номи Мир Саид Алии Ҳамадонӣ соли 2010 иҷора гирифта, боғ бунёд кардааст. Ӯ бо аҳли оилааш соли панҷум аст, ки аз ин боғ ҳосил мегирад. Имсол ҳам дарахтони боғаш ҳосили хуб бастаанд. Дар парвариши боғ қоидаҳои агротехникиро риоя мекунад. Ба самаранок истифода бурдани ҳар як порча замин низ диққати ҷиддӣ медиҳад.

Дар маҷмӯъ дар ҷамоати деҳоти мазкур корҳои саҳроӣ бомаром идома дошта, кишоварзон мақсад доранд, бо истифода аз шароити мавҷуда ва техникаи кишоварзӣ истеҳсоли маҳсулоти кишоварзиро афзун намоянд ва дар таъмини амнияти озуқавории кишвар саҳми хешро гузоранд.

 

АКС аз Хадамоти матбуоти Президенти ҶТ

Июнь 29, 2020 10:34

Хабарҳои дигари ин бахш

Дар Кумитаи рушди сайёҳӣ ҷиҳати расонидани хизмати сатҳи баланд ба мизоҷон ҳамоиш доир шуд
РАВАНДИ ОБИ ДУШАНБЕ. Конфронси дарпешистодаи СММ оид ба об 2023-раванди такондиҳанда барои рушди устувор
Намояндаи Тоҷикистон дар конфронси байналмилалӣ дар шаҳри Истанбул сухан гуфт
Намояндагони Тоҷикистон бо ҷараёни амалишавии раванди ғанисозии орди гандумӣ дар Узбекистон шинос шуданд
Дар Душанбе созишномаҳо оид ба маблағгузорӣ ба имзо расиданд
Татбиқи Барномаи миёнамуҳлати рушди иқтисоди рақамӣ дар Тоҷикистон баррасӣ шуд
Бонки миллии Тоҷикистон ба оператори низоми пардохтии «Вестерн Юнион Нетворк» иҷозатномаи фаъолият дод
Тоҷикистон номзадии Арабистони Саудиро барои мизбонии «Экспо -2030» ҷонибдорӣ менамояд
Вазорати нақлиёти Тоҷикистон доир ба тағйирёбии ҳамлу нақли бор тавассути гузаргоҳҳои сарҳадии Туркманистон хабар додааст
ОМОДАГӢ БА ЗИМИСТОН. Дар анбори Агентии захираҳои моддии давлатӣ дар Бадахшон миқдори кофии маҳсулоти мавриди ниёзи аввал захира шудааст
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт

Хабарҳои муҳимтарин