Дар Суғд ҳамоиши гирандагони стипендияи президентӣ ва озмуни вилоятии «Ҷавондухтари ҳунарманд» баргузор шуд

Июнь 29, 2020 11:49

ДУШАНБЕ, 29.06.2020 /АМИТ «Ховар»/. 28 июни соли равон дар Боғи фарҳангӣ — фароғатии ба номи Камоли Хуҷандӣ ҳамоиши гирандагони Стипендияи Президенти Ҷумҳурии Тоҷикистон таҳти унвони «Ҷавонон-пайрави Пешвои миллат» ва озмуни вилоятии «Ҷавондухтари ҳунарманд» ташкил ва баргузор карда шуд. Дар ин бора аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.

Дар чорабинӣ Раиси вилояти Суғд Раҷаббой Аҳмадзода ва Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода иштирок ва суханронӣ намуданд.

Сараввал Раиси вилояти Суғд ва Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз намоиши маҳсули дасти ҷавондухтарони ҳунарманд дидан намуда, ба ҳунари онҳо баҳои баланд доданд ва иброз намуданд, ки дар Солҳои рушди деҳот, сайёҳӣ ва ҳунарҳои мардумӣ ташкили чунин чорабиниҳо мувофиқи мақсад мебошад.

Раиси вилояти Суғд Раҷаббой Аҳмадзода зимни суханронии худ гирандагони cтипендияи Президенти Ҷумҳурии Тоҷикистонро табрик намуда, аз дастовардҳои ҷавонон ва саҳми онҳо дар пешрафти ҷомеа ёдовар шуд.

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода низ аз дастгириҳои давлатии ҷавонон, хусусан дар мадди аввали сиёсати худ қарор додани сиёсати давлатии ҷавонон аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ибрози ақида намуд.

Баъдан аз ҷониби Раҷаббой Аҳмадзода ва Абдулло Раҳмонзода ба гирандагони стипендияи мазкур ва ғолибони озмуни «Ҷавондухтари ҳунарманд» маблағҳои пулӣ ва туҳфаҳои хотиравӣ супорида шуд.

Мавриди зикр аст, ки гирандагони стипендияи Президенти Ҷумҳурии Тоҷикистон дар вилояти Суғд 95 нафарро ташкил медиҳанд.

Июнь 29, 2020 11:49

Хабарҳои дигари ин бахш

ҶАМЪБАСТИ НИШАСТҲОИ МАТБУОТӢ: 3 август Вазорати рушди иқтисод ва савдо, Вазорати корҳои дохилӣ, Агентии содирот ва Маркази миллии тестӣ нишасти матбуотӣ доир мекунанд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар ноҳияи Данғара биноҳои нави чанд муассисаи таълимӣ мавриди баҳрабардорӣ қарор дода шуданд
Дар Бадахшон ба муносибати иди касбии сӯхторнишонон ҷамъомади тантанавӣ баргузор гардид
Омодагиҳо ба маъракаи барӯйхатгирии аҳолӣ ва фонди манзил дар сатҳи баланди ташкилӣ идома доранд
Германия ба Тоҷикистон мавод ва таҷҳизоти тиббӣ дастрас намуд
«ХУШБАХТӢ КОМИЛ НЕСТ, АГАР ТУ ОНРО БО ДИГАРОН ТАҚСИМ НАКУНӢ». Эҳдо ба Рӯзи байналмилалии дӯстӣ
ТИКА ба Вазорати тандурустӣ ва ҳифзи иҷтимоии аҳолии Тоҷикистон ду адад нақлиёти санитарии махсус тақдим намуд
Ҳилолбӣ Қурбонзода: Теъдоди занон дар вазифаҳои роҳбарикунанда афзудааст
Бо дастгирии Вазири корҳои дохилӣ сокинони як маҳаллаи ноҳияи Рашт бо оби нӯшокӣ ва полезӣ таъмин гардиданд
Пагоҳ Кумитаи андоз, Агентии омор, Агентии хизмати давлатӣ, Хадамоти гумрук, Академияи идоракунии давлатӣ нишасти матбуотӣ доир мекунанд
ПУШТИБОНӢ АЗ СИЁСАТИ ИҶТИМОИИ ПЕШВОИ МИЛЛАТ. Кӯмаки соҳибкори ватанӣ ба ятимону табибони пойтахт
Вазорати маориф ва илм то оғози соли нави таҳсил барои баррасии мушкилоти шаҳрвандон қабули ҳамарӯза ба роҳ монд