Иттиҳоди Аврупо ва ЮНИСЕФ беморхонаҳои Тоҷикистонро бо дастгоҳи нафасдиҳии сунъӣ таъмин мекунанд
ДУШАНБЕ, 03.06.2020. /АМИТ Ховар/. Бо ибтикори Ҳукумати Ҷумҳурии Тоҷикистон Иттиҳоди Аврупо ва ЮНИСЕФ беморхонаҳои қаламрави кишвари моро бо дастгоҳи нафасдиҳии сунъӣ, ки барои табобат намудани беморони гирифтори коронавируси намуди COVID-19 пешбинӣ шудаанд, таъмин мекунанд.
Тавре аз мақомоти иҷроияи ҳокимияти давлатии Вилояти Мухтори Кӯҳистони Бадахшон ба АМИТ «Ховар» хабар доданд, Намояндагии ЮНИСЕФ бо маблағгузории Иттиҳоди Аврупо ба мақомоти иҷроияи ҳокимияти давлатии Вилояти Мухтори Кӯҳистони Бадахшон (ВМКБ) барои табобат намудани беморони гирифтори коронавируси намуди COVID-19 чор адад дастгоҳи нафасдиҳии сунъӣ тақдим намуд.
Ин таҷҳизот аз ҷониби намояндагони мақомоти иҷроияи ҳокимияти давлатӣ дар шаҳри Хоруғ қабул гардида, дар Маркази онкологии беморхонаи шаҳри Хоруғ ва беморхонаҳои ноҳияи Мурғоб, Ванҷ ва Ишкошим насб карда мешаванд. Ғайр аз он, барои кормандони дахлдори тиббӣ дар ин марказҳо ҷиҳати самаранок истифода бурдани ин таҷҳизот давраҳои омӯзишӣ гузаронида мешаванд.
Агентии Оғохон оид ба макони зист дар ин самт дастгирии худро пешниҳод мекунад.
Раиси ВМКБ Ёдгор Файзов барои ин дастгирӣ изҳори миннатдорӣ намуда, иброз дошт, ки «ин таҷҳизот ҷузъи муҳими муборизаи мо бо коронавирус дар минтақа мебошанд ва имконият медиҳанд, ки беморон сари вақт шифо ёбанд».
Ин дастгирӣ аз тарафи шарикони рушд саривақтӣ буда, 20 адад дастгоҳи нафасдиҳии сунъӣ дар 17 маркази тиббии тамоми шаҳру ноҳияҳои Ҷумҳурии Тоҷикистон насб карда мешаванд.
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
