«МО БАР ЗИДДИ ВИРУС». Милитсияи Конибодом байни мардум аксияи тарғиботӣ доир кард
ДУШАНБЕ, 23.06.2020 /АМИТ Ховар/. Милитсияи шаҳри Конибодом бо мақсади саҳм гузоштан дар ҳифзи саломатии аҳолӣ ва пешгирӣ аз мубталошавӣ ба бемории сироятии коронавирус дар якҷоягӣ бо масъулини беморхонаи марказии шаҳр аксия таҳти унвони «Мо бар зидди вирус» гузаронид. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Дар баробари ба мардум фаҳмонидани манфиати риояи гигиенаи шахсӣ ва чораҳои беҳдоштӣ зимни баргузории чорабинӣ шахсони дар ҷойҳои ҷамъиятӣ бениқоб қарордошта, бо ниқоби муҳофизатӣ таъмин карда шуданд.
Марҳилаи нахустини чорабинии мазкур дар ҳудуди деҳаи Ниёзбеки ҷамоати деҳоти Ҳамробоев ва маркази шаҳри Конибодом гузаронида шуда, дар рафти он ҳазор адад ниқоби тиббӣ ба нафарони эҳтиёҷманд тақсим карда шуд.
Самти асосии чорабинӣ тавре масъулин таъкид намуданд бурдани корҳои фаҳмонидадиҳӣ дар байни аҳолӣ ва бо ин васила баланд намудани маърифати зидивирусии аҳолӣ мебошад. То ин ки шаҳрвандон оиди роҳҳои пешгирӣ ва худмуҳофизатӣ аз бемории паҳнгаштаи «Covid-19» маълумот дошта бошанд. Мақомоти милитсияи шаҳри Конибодом чунин корҳои ташвиқотиро дар дигар минтақаҳои шаҳр ба нақша гирифтааст.
Дар ҷараёни чорабиниҳо гурӯҳҳои корӣ аз ҳисоби нозирони минтақавии милитсия, милитсияи кор бо ноболиғон ва нозирони БДА сафарбар карда мешаванд. Чунин сафарбарнамоӣ ба он хотир аст, ки масъулини хадамотҳои мазкур бештар бо аҳолӣ кор мекунанд ва дар самти тарғиби тарзи ҳаёти солим таҷрибаи кофии амалӣ доранд.
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
