Дар Донишгоҳи давлатии Бохтар оид ба истифодаи усулҳои гармофизикӣ конференсияи байналмилалӣ баргузор гардид
ДУШАНБЕ, 31.10.2026 /АМИТ «Ховар»/. 31 октябр дар Донишгоҳи давлатии Бохтар ба номи Носири Хусрав дар ҳамкорӣ бо Донишгоҳи давлатии техникии Тамбов дар мавзуи «Истифодаи усулҳои гармофизикӣ ва воситаҳои ченкунӣ дар назорат ва идоракунии сифати маҳсулот ва раванди истеҳсолот» конференсияи 15-уми байналмилалии илмӣ-амалии мактаби байналмилалии гармофизикон доир гардид, хабар доданд ба АМИТ «Ховар» аз ин донишгоҳ.
Муовини ректор оид ба илм ва инноватсия Наимҷон Ашурзода дар мавзуи «Сатҳи рушди иқтисодии Тоҷикистон вобаста ба рушди энергетика» маъруза намуда, робитаи рушди соҳаи энергетикаро бо пешрафти иқтисоди миллӣ мавриди таҳлил қарор дод.
Иштирокдорони ҳамоиш масъалаҳои муҳими илмии соҳаи гармофизика, истифодаи технологияҳои муосири ченкунӣ ва роҳҳои баланд бардоштани сифати маҳсулот ва самаранокии равандҳои истеҳсолиро мавриди баррасӣ қарор доданд.
Инчунин нақши олимони варзида ва ҳамкории илмии байналмилалӣ дар ташаккули мактабҳои илмӣ ва тарбияи кадрҳои баландихтисос иброз гардид.
Таъкид шуд, ки баргузории чунин ҳамоиши байналмилалии илмӣ барои густариши ҳамкории байнидонишгоҳӣ, табодули таҷрибаи пешқадами илмӣ, тақвияти робитаҳои илмию таълимӣ ва ҷалби муҳаққиқони ҷавон ба таҳқиқоти бунёдӣ ва амалӣ заминаи мусоид фароҳам меорад.
АКС: Донишгоҳи давлатии Бохтар ба номи Носири Хусрав








«ТОҶИКИСТОН, ПАРЧАМАТ БОДО ПАРАФШОН!». Парчами давлатӣ рамзи истиқлолу соҳибихтиёрӣ, ваҳдати миллӣ ва шарафу номуси миллат аст
Дар доираи «Барномаи омодасозии мутахассисон аз ҳисоби ҷавонон барои соҳаҳои иқтисодиёт» беш аз 41 ҳазор нафар бо ҷойи кор таъмин гардид
Дар Вазорати адлияи Тоҷикистон бахшида ба Рӯзи Парчами давлатӣ ҳамоиши илмӣ доир шуд
Дар шаш муассисаи тиббии шаҳри Душанбе барномаи рақамии «eTib» фаъол гардид
Вазири меҳнат, муҳоҷират ва шуғли аҳолии Тоҷикистон дар Конфронси Вена оид ба муҳоҷират иштирок намуд
Дар Душанбе бахшида ба татбиқи Ёддошти тафоҳум дар соҳаи тандурустӣ байни Тоҷикистон ва Амрико чорабинӣ баргузор шуд
Барномаи ҳамкорӣ байни Хадамоти иҷрои Тоҷикистон ва Бюрои иҷрои маҷбурии Узбекистон ба имзо расид
Конгресси байналмилалии «Инсон ва дору» баргузор гардид
Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд






