Натиҷагирӣ аз фаъолияти Маркази машваратии хизматрасонии волонтёрон оид ба пешгирӣ ва мубориза бо COVID-19
ДУШАНБЕ, 10.05.2020 /АМИТ «Ховар»/. 9 июн бо мақсади натиҷагирӣ аз фаъолияти Маркази машваратии хизматрасонии волонтёрон оид ба пешгирӣ ва мубориза бо COVID -19 дар назди раиси Ташкилоти ҷамъиятии «Пайравони Пешвои миллат» Абдулло Раҳмонзода ҷаласаи корӣ баргузор гардид. Дар ин бора аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд.
Зимни ҷаласа Абдулло Раҳмонзода ҷиҳати анҷом додани корҳои назарраси Ташкилот дар давраи пандемия, ташаббусу иқдомҳои волонтёронро дар роҳи мубориза ва пешгирӣ аз коронавирус, ташкили аксияҳои тарғиботӣ, флешмобҳои гуногун дар ҷумҳурӣ, таҳияи маводҳои видеоӣ, намоиши барномаҳои гуногуни онлайнӣ ва таҳияи маводҳои тавсиявиро муҳим арзёбӣ намуд. Аз ҷумла номбурда фаъолияти густурдаи Маркази машваратии хизматрасонии волонтёрон оид ба пешгирӣ ва мубориза бо COVID – 19- ро дар давраи ҳассос саривақтӣ ҳисобида, барои пешбурди ин кор ба ҳайати волонтёрони Ташкилот изҳори сипос гуфт.
Қобили қайд аст, ки «Маркази машваратии хизматрасонии волонтёрон оид ба пешгирӣ ва мубориза бо COVID – 19 дар вилояти Мухтори Кӯҳистони Бадахшон, Суғд, Хатлон, шаҳри Турсунзода (барои минтақаи Ҳисор) ва дар ноҳияи Рашт (барои минтақаи Рашт) фаъолият намуда, тавонист дар муддати кӯтоҳ ба ҳазорон нафар шаҳрвандони мамлакат маслиҳату машварат ва кӯмакҳои иҷтимоии яквақтаина расонад. Ҳоло Маркази машваратии хизматрасонии волонтёрон фаъолияти худро дар шаҳрҳои Москва, Краснодар, Новосбирск, Йошкар – Ола, Белгород, Пенза ва Красноярски Федератсияи Россия низ дар заминаи маҳфили «Ҷавонони дар хориҷи кишвар таҳсилдошта» ба роҳ монда, аъзоёни маҳфил ба он ҷалб карда шудаанд.
Дар Душанбе бахшида ба 15-солагии таъсиси мақомоти Ваколатдор оид ба ҳуқуқи инсон ҳамоиш доир гардид
Дар низоми ҳокимияти судии Тоҷикистон 97 нафар зан судя мебошад
ДАР ДУШАНБЕ БАРФИ АВВАЛ МЕБОРАД. Пойтахт бо қабои сафед боз ҳам дилработар мегардад
Ҳизби Халқии Демократии Тоҷикистон маҳсули андешаи Пешвои миллат мебошад
Дар Душанбе таҳти унвони «Нақши занон дар муқовимат ба коррупсия» конференсияи ҷумҳуриявӣ доир гардид
Кумитаи ҳолатҳои фавқулода ва мудофиаи гражданӣ: «Дар рӯзҳои барфу боронӣ эҳтиёткор бошед!»
Ҷаласаи Комиссияи марказии интихобот ва раъйпурсии Тоҷикистон баргузор шуд
Эмомалӣ Раҳмон: «Фаъолияти ҳокимияти судӣ ба таъмини қонуният ва адолати иҷтимоӣ равона шудааст»
Дар Душанбе бахшида ба 30-солагии Ҳизби Халқии Демократии Тоҷикистон ҳамоиш доир шуд
Президенти Тоҷикистон аз риоя нагардидани муҳлати баррасии парвандаҳо аз ҷониби судҳо изҳори нигаронӣ намуданд
Эмомалӣ Раҳмон: «Судяҳо бояд ба пешгирӣ ва бартараф намудани омилҳои ба коррупсия мусоидаткунанда эътибори аввалиндараҷа диҳанд»
Нақши Ҳизби Халқии Демократии Тоҷикистон дар татбиқи сиёсати давлатии ҷавонон назаррас аст
