Сафари табибони Полша ба Тоҷикистон натиҷагирӣ гардид
ДУШАНБЕ, 29.06.2020 /АМИТ «Ховар»/. 26 июн дар меҳмонхонаи «Серена»-и шаҳри Душанбе нишасти хабарӣ аз сафари табибони Полша дар Тоҷикистон баргузор гардид. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» хабар доданд.
Муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусамадзода дар нишаст иштирок дошта, иброз намуд, ки шиносоӣ ва боздиди табибони Полша аз муассисаҳои тандурустии кишвар ва табодули таҷрибаи онҳо дар самти пешгирӣ ва табобати бемории COVID-19 ҷиҳати баланд бардоштани савияи дониш ва таҷрибаи табибони тоҷик барои пешгирии ин беморӣ натиҷаҳои хуб ба бор овард.
Дар рафти сафар табибон аз як зумра муассисаҳои тандурустии шаҳру ноҳияҳои мамлакат дидан намудаву бо фаъолияти онҳо шинос шуда, барои ҷорӣ кардани усулҳои нави табобати беморони ин навъи вирус бо табибони тоҷик суҳбату вохӯриҳои судманд анҷом доданд.
Табибони Полша ба фаъолияти табибони тоҷик дар самти мубориза бар зидди бемории COVID-19 баҳои баланд дода, тассуроти хешро аз сафар ба минтақаҳои Тоҷикистон баён намуданд.
Ҳамчунин, табибони тоҷик аз табибони полшагӣ, ки дар самти пешгирӣ ва табобати бемории COVID-19 таҷрибаи ғанӣ доранд, усулҳои нави ташхис ва табобати беморони мазкурро омӯхтанд.
Ҳамин тариқ, сафари табибони Полша ба Тоҷикистон ба охир расида, онҳо субҳи 27 июн ба кишвари хеш баргаштанд.
Ёдовар мешавем, ки тайи як моҳ табибони полшагӣ дар беморхонаву муассисаҳои табобатии мамлакат бо табибони тоҷик ҷиҳати пешгирӣ ва табобати бемории сироятии COVID-19 табодули таҷриба намуданд. Қаблан табибони варзидаи Ӯзбекистон ва Чин низ ба Тоҷикистон омада буданд.
Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
Имрӯз дар шаҳри Душанбе ҳаво то 33 дараҷа гарм мешавад
Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
