10 соҳибкори Хатлон сазовори Ҷоизаи «Ободгари Ватан» гардиданд

Июль 9, 2020 09:37

ДУШАНБЕ, 09.07.2020 /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон  дар вилояти Хатлон озмуни вилоятии «Ободгари Ватан» ҷамъбаст гардид. Дар натиҷаи ҷамъбасти озмун 10 нафар соҳибкори вилоят  сазовори Ҷоизаи «Ободгари Ватан» гардиданд. Дар ин бора аз мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд.

Бино ба иттилои манбаъ, дар маросими тақдими ҷоизаҳо ба ғолибони озмун  раиси вилояти Хатлон Қурбон Ҳакимзода иштирок намуд.

Ҷоизаи мазкур насиби соҳибкорони зерин — Моҳира Шомаева  аз шаҳри Бохтар, барои бунёди маркази саломатии 5-ошёна,  Холмурод Асадуллозода аз шаҳри Бохтар, барои бунёди бинои иловагии муассисаи ғайридавлатии таълимии «Коллеҷи тиббӣ-иҷтимоӣ», Абдулмаҷид Ҳабибуллоев аз ноҳияи Кӯшониён, барои бунёди Нишони давлатӣ дар маркази ноҳия,  Илҳом Атовуллоев аз ноҳияи Хуросон, барои бунёди бунгоҳи саломатӣ дар деҳаи Томчӣ, Холназар Достиев аз ноҳияи Шаҳритуз, барои бунёди иншооти бисёрфунксионалӣ, тӯйхона ва маркази хизматрасонӣ, Тағайхуҷа Аюбов аз ноҳияи Восеъ, барои бунёди майдончаи варзишӣ,  Сайидхоҷа Маҳмудов аз ноҳияи Фархор,  барои бунёди сехи дӯзандагӣ бо 20 ҷойи корӣ,  Акмалҷон Чиллазода аз ноҳияи Данғара, барои бунёди меҳмонхона ва ҳаммоми замонавӣ,  Шариф Кабиров  аз ноҳияи Дӯстӣ, барои бунёди китобхонаи оммавӣ ва маркази хизматрасонӣ ва Зулхумор Алиева  аз ноҳияи Ёвон барои бунёди Маркази хизматрасонии дуошёна, хатти оби нӯшокӣ ва пули мошингузар дар Ҷамоати деҳоти “Обшорон”.

Ҳадаф аз баргузории ин  озмун беҳтар намудани шароити зисту зиндагии маишии аҳолӣ, суръат бахшидан ба корҳои ободонию бунёдкорӣ, ободу зебо гардонидани кӯчаю деҳаҳо ва саҳм гузоштан дар ободии маҳалли худ мебошад.

Ёдовар мешавем, ки озмуни  «Ободгари Ватан» тибқи қарори раиси вилояти Хатлон аз 12 феврали соли 2019 бо мақсади қадршиносӣ ва ҳавасмандгардонии соҳибкорон ва шахсонӣ саховатпешае, ки дар доираи омодагиҳо ба таҷлили сазовори ҷашни 30-солагии Истиқлолияти давлатии Ҷумҳурии Тоҷикистон дар корҳои ободонию созандагии сатҳи маҳал саҳми намоён мегузоранд, баргузор гардида, ҳар семоҳа ғолибони он муайян карда мешаванд.

Июль 9, 2020 09:37

Хабарҳои дигари ин бахш

Корхонаҳои коркарди пахтаи Тоҷикистон технологияҳои пешқадами ширкати «Rieter»-ро дастрас менамоянд
Дар Душанбе «Барномаи миёнамуҳлати рушди Ҷумҳурии Тоҷикистон барои солҳои 2021-2025» баррасӣ шуд
Вазорати молия ва агентии рейтингии байналмилалии «Moody’s» мудирияти қарзи хориҷии Тоҷикистонро баррасӣ карданд
Дар Кӯлоб бунёди 15 корхонаи азими саноатӣ пешбинӣ шудааст
ИМРӮЗ – РӮЗИ УМУМИҶАҲОНИИ МОЛИКИЯТИ ЗЕҲНӢ. Бонувони ихтироъкори тоҷик соҳиби 20 медали тилло гардиданд!
Ҷаласаи видеоконфронсии Шӯрои байнидавлатӣ оид ба сиёсати зиддиинҳисорӣ байни давлатҳои иштирокчии ИДМ доир шуд
Дурнамои нишондиҳандаҳои рушди соҳаҳои иҷтимоӣ дар соли 2022 муаррифӣ гардид
Моҳи май дар Тошканд ҷаласаи 8-уми Комиссияи байниҳукуматии Тоҷикистон ва Ӯзбекистон оид ба масъалаҳои тиҷоратию иқтисодӣ баргузор мегардад
Тоҷикистон ва Ӯзбекистон масъалаи сохтмони роҳи нави оҳанро баррасӣ намуданд
Дар Норак 100 мавзеи фароғатӣ, 3 меҳмонхонаи муосир ва 27 ёдгории таърихию фарҳангӣ сайёҳонро интизоранд
Миёни минтақаҳои вилоятҳои Суғд ва Фарғона меморандуми ҳамкорӣ ба имзо расид
Давлатшоҳ Гулмаҳмадзода дар ҷаласаи ҷамъбастии Вазорати кишоварзӣ оид ба натиҷаҳои фаъолият дар семоҳаи якум иштирок намуд

Маводҳои таҳлилӣ