Дар Хатлон корҳои омодагӣ ба мавсими тирамоҳу зимистон пеш аз муҳлат оғоз шуданд
ДУШАНБЕ, 16.07.2020 /АМИТ «Ховар»/. Бо назардошти шароити обу ҳаво ва вазъи иқтисодӣ дар соли равон зарур аст, ки омодагӣ ба мавсими тирамоҳу зимистон пеш аз муҳлат анҷом дода шавад. Дар ин бора дар ҷаласаи Ситоди омодасозии иншооти иҷтимоӣ — иқтисодии вилояти Хатлон ба давраи тирамоҳу зимистон оянда изҳор карда шуд, хабар медиҳад мухбири АМИТ «Ховар».
Зикр гардид, ки соли гузашта тамоми соҳаҳои иқтисодию иҷтимоии вилоят ба мавсими тирамоҳу зимистон пурра омода буданд.
Муовини аввали раиси вилояти Хатлон Абдуалим Исмоилзода иброз намуд, ки мутобиқи Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоӣ барои фаъолияти устувор дар давраи тирамоҳу зимистони солҳои 2020 — 2021» то имрӯз як зумра корҳо анҷом ёфтаанд.
«Тибқи нақша, бояд муассисоти тандурустӣ, маориф, фарҳанг ва соҳаҳои дигар бо назардошти паҳншавии коронавирус дар кишвари мо омода карда шаванд», — изҳор намуд ӯ.
Ба гуфтаи Абдуалим Исмоилзод, муассисаҳои тандурустӣ ва маориф бояд сари вақт маблағгузорӣ шаванд, дар мавзеъҳои кӯҳистонии минтақа нуқтаҳои фурӯши ангишт ва ҳезум ташкил ва ҷамъоварии маблағи нерӯи барқи истифодашуда таъмин карда шавад.
Илова бар ин, масъулин муваззаф шуданд, ки шароити нигоҳдории сабзавот ва захираҳои маҳсулоти ниёзи аввалияро то фарорасии сардиҳо фароҳам оваранд.
Муовини аввали раиси вилояти Хатлон зикр кард, ки ба масъалаҳои таъмири роҳҳо бояд таваҷҷуҳи хос дода шавад ва захираи кофии маводи зидди яхбандӣ ва хӯроки чорво ташкил гардад.
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
