Дар Хатлон убури ғайриқонунии сарҳад ва интиқоли маводи нашъадор пешгирӣ гардид
ДУШАНБЕ, 27.07.2020. /АМИТ «Ховар»/. Дар ноҳияи Носири Хусрав зимни доир намудани амалиёти фаврӣ-ҷустуҷӯӣ аз ҷониби кормандони шуъбаи Вазорати корҳои дохилӣ, қасди интиқоли ғайриқонунии маводи нашъадор ба таври қочоқ, бо мақсади ба соҳибияти каси дигар додан, ғайриқонунӣ соҳиб шудан ва бо худ гирифтани лавозимоти ҷангӣ ва ғайриқонунӣ гузаштани Сарҳади давлатии Ҷумҳурии Тоҷикистон аз Ҷумҳурии Исломии Афғонистон пешгирӣ карда шуд. Дар ин бора аз Вазорати корҳои дохилӣ ба АМИТ «Ховар» хабар доданд.
Ду нафар аз шаҳрвандони Ҷумҳурии Исломии Афғонистон Ҷалолиддин валади Ёрмурод, соли таваллудаш 1972 ва Қалдов Аҳмад Чорӣ, соли таваллудаш 1990, сокинони вилояти Қундуз, шаби 23 июли соли 2020 дар мавзеи қаторкӯҳҳои «Туюнтов», Ҷамоати деҳоти Наврӯзи ноҳияи Носири Хусрав дар ҳолати ғайриқонунӣ убур намудани Сарҳади давлатии Ҷумҳурии Тоҷикистон дастгир карда шуданд.
Дар натиҷаи азназаргузаронӣ аз онҳо 1 адад халтаи полиэтиленӣ дарёфт карда шуд, ки ҳангоми кушодани он дар дохилаш миқдори зиёди маводи нашъадор мавҷуд буд ва он ҳуҷҷатгузорӣ карда, гирифта шуд.
Мувофиқи маълумотномаи шуъбаи ташхиси криминалистии РВКД дар вилояти Хатлон маводи аз шаҳрвандони Афғонистон мусодирашуда 14 килограмму 250 грамм моддаи нашъадори навъи афюн ва 140 грамм моддаи нашъадори навъи ҳашиш мебошанд. Инчунин 1 адад автомати Калашников, 5 адад тирдон бо 141 адад тир дарёфт ва мусодира гардид.
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
Дар Бадахшон 31-солагии таъсиси Қӯшунҳои сарҳадӣ таҷлил гардид
Мубориза ба муқобили терроризми байналмилалӣ масъалаи афзалиятноки замони муосир аст
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд
