Дар Москва ҷаласаи Комиссия оид ба масъалаҳои иқтисодии назди Шӯрои иқтисодии ИДМ баргузор гардид
ДУШАНБЕ, 23.07.2020 /АМИТ «ХОВАР»/. 22 июл дар Шуъбаи Кумитаи иҷроия дар Москва ҷаласаи Комиссия оид ба масъалаҳои иқтисодии Шӯрои иқтисодии ИДМ доир гардид. Дар он инчунин намояндагони мақомоти соҳавии ҳамкории ИДМ, вазорату идораҳои кишварҳои Иттиҳод, кормандони масъули Кумитаи иҷроияи ИДМ иштирок намуданд.
Зимни ҷаласа асноди муҳими барномавии зерин муҳокима ва тасдиқ шуданд: “Дар бораи натиҷаҳои асосии татбиқи Стратегияи рушди иқтисодии Иттиҳоди Давлатҳои Мустақил барои давраи то соли 2020 ва лоиҳаи Нақшаи чорабиниҳо оид ба татбиқи марҳилаи якуми Стратегияи рушди иқтисодии Иттиҳоди Давлатҳои Мустақил (2021-2025) дар давраи то соли 2030″, «Дар бораи лоиҳаи Барномаи байнидавлатии ҳамкории инноватсионии давлатҳои аъзои ИДМ барои давраи то соли 2030», «Дар бораи лоиҳаи Созишномаи ҳамкории иттилоотии кишварҳои узви ИДМ дар соҳаи рушди рақамии ҷомеа». Иштирокчиён инчунин лоиҳаҳои Барномаи чаҳорчӯбавии ҳамкории давлатҳои аъзои ИДМ -ро дар соҳаи истифодаи энергияи атомӣ бо мақсадҳои осоишта барои давраи то соли 2030 ва Нақшаи чорабиниҳоро оид ба татбиқи марҳилаи якуми он (солҳои 2021-2025) ва як зумра масъалаҳои дигарро низ баррасӣ намуданд.
Бо дарназардошти фикру мулоҳизаҳои аъзои Комиссия як қисми асноди вобаста ба масъалаҳои рӯзномаи ҷаласа ҷиҳати баррасӣ ба Шӯрои иқтисодӣ ва Шӯрои сарони ҳукуматҳои ИДМ ирсол хоҳанд шуд.
Ҷаласаи навбатии Комиссия оид ба масъалаҳои иқтисодӣ 23 сентябри соли 2020 баргузор мешавад.
АКС аз хадамоти матбуоти Кумитаи иҷроияи ИДМ
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
