Футболбозони Тоҷикистону Ӯзбекистон бозии дӯстона анҷом медиҳанд

ДУШАНБЕ, 08.07.2020 /АМИТ «Ховар»/. Федератсияи футболи Тоҷикистон ва Ассотсиатсияи футболи Ӯзбекистон барои баргузор намудани бозии дӯстона байни ин ду кишвар ба мувофиқа расиданд. Вохӯрии мазкур санаи 4 сентябр дар  шаҳри Тошканд баргузор мешавад. Дар ин бора мухбири АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Тибқи иттилои манбаъ, бозии дӯстона байни дастаҳои  мунтахаби  Тоҷикистон ва Ӯзбекистон бояд 31  март баргузор мешуд, вале бинобар сабаби бемории   коронавирус вақти баргузории ин дидор мавқуф гузошта шуда буд.

Ёдовар мешавем, ки дастаҳои  мунтахаби Тоҷикистон ва Ӯзбекистон то ин замон  байни ҳамдигар 8 вохӯрӣ доир намудаанд. Маротибаи охир дастаҳо 15 ноябри соли 2011 дар  шаҳри Тошканд бозӣ намуда буданд.

 Таърихи вохӯриҳои  байни дастаҳои мунтахаби Тоҷикистон ва Ӯзбекистон:

Ҷоми Осиёи Марказӣ

Тоҷикистон – Ӯзбекистан – 2:2

Голҳо Тоҷикистон: Муҳсин Муҳаммадиев, 72, 86.

17 июни соли 1992, Тошканд, Ӯзбекистон

Мусобиқаи байналмилалӣ

Ӯзбекистон – Тоҷикистон– 1:1

Голи Тоҷикистон: Валентин Шашков, 25.

17 апрели соли 1994, Тошканд, Ӯзбекистон

Ҷоми Осиё-1996. Марҳилаи интихобӣ

Тоҷикистон– Ӯзбекистон – 4:0

Голҳо: Ҳаким Фузайлов, 3, пеналти, Алиёр Ашурмамадов, 65, 67, Арсен Аваков, 87.

8 маяи соли 1996, Душанбе, Тоҷикистон

Ҷоми Осиё-1996. Марҳилаи интихобӣ

Ӯзбекистон – Тоҷикистон – 5:0

19 июни соли 1996, Тошканд, Ӯзбекистон

Ҷоми Осиё-2004. Марҳилаи интихобӣ

Ӯзбекистон – Тоҷикистон– 0:0

10 ноябри соли 2003, Тошканд, Ӯзбекистон

Ҷоми Осиё-2004. Марҳилаи интихобӣ

Тоҷикистон – Ӯзбекистон – 1:4

Голи Тоҷикистон: Пирмурод Бурҳонов, 65.

17 ноябри соли 2003, Бангкок, Таиланд

ҶҶ-2014. Марҳилаи интихобӣ. Даври сеюм

Тоҷикистон  – Ӯзбекистон – 0:1

2 сентябри соли 2011, Турсунзода, Тоҷикистон

ЧМ-2014. Марҳилаи интихобӣ. Даври сеюм

Ӯзбекистон – Тоҷикистон – 3:0

15 ноябри соли 2011, Тошканд, Ӯзбекистон