Исми кишваре, ки аз коронавирус бурд намудааст, маълум шуд

Июль 21, 2020 10:19

ДУШАНБЕ, 21.07.2020 /АМИТ «Ховар»/. Аз баракати тадбирҳои дар ҷаҳон андешидашуда пас аз пандемияи коронавирус Германия эҳтимол рушд хоҳад кард, — менависад 19 июл “The New York Times”.
Ба гуфтаи рӯзноманигорон, Россия низ аз таконҳои ҷиддӣ дар канор хоҳад монд.

Инчунин рӯзнома нигоштааст, ки коронавирус раванди дар худ маҳдуд шудани иқтисодиёти миллиро суръат бахшид. Аксари кишварҳо қарзи давлатии худро зиёд намуданд, то ин ки рушди иқтисодиёти худро дастгирӣ намоянд.

Дар айни замон, сарфи назар аз бартарии технологӣ, ИМА ва Чин қарзҳои аз ҳад зиёд ҷамъ намудаанд ва амалкарди ҳукуматҳои онҳо дар шароити пандемия баҳсбарангез аст. Таҳлилгарон тахмин мекунанд, ки таъсири пандемия ба иқтисоди ин давлатҳо ҷиддӣ хоҳад буд.

Ветнам, ки коронавирусро ҳангоми оғози он таъҷилан манъ намуд, инчунин Федератсияи Россия, ки солҳои охир дар мубориза бо фишори молиявии хориҷӣ соҳибтаҷриба шудааст, метавонанд ба рушди иқтисодӣ умедвор бошанд.

«Тадбирҳои муҳофизатӣ (Россия – шарҳи идора) дар шароити фурӯпошии ҷаҳонишавӣ метавонанд гаронбаҳо бошанд», — гуфта мешавад дар мақола.

Аммо, рӯзнома Германияро ҳамчун ғолиби асосии иқтисодии пандемия номбар намуд, ки ҷиҳатҳои қавии худро зоҳир намуд ва аз баракати онҳо иқтисодиёти бузурги он метавонад умед ба рушд дошта бошад.

«Вокуниши он ба пандемия афзалиятҳои ин кишварро баръало нишон дод: ҳокимияти самаранок, сатҳи пасти қарздорӣ, иқтисоди дараҷаи аввал, ки эътибори олии он содироти ин кишварро дар шароити коҳиши тиҷорати ҷаҳонӣ ҳифз намуд ва инчнин имконоти азими он барои таъсиси ширкатҳои IT», — омадааст дар макола.

Рӯзноманигорон зикр кардаанд, ки Германия ба буҳрони вобаста ба хуруҷи коронавирус бо профисити буҷа ворид шуд ва тавонист иқтисодиёти худро ҳатто дар шароити чораҳои ҷоришудаи карантинӣ дастгирӣ намояд.

16 июл президенти Россия Владимир Путин чораҳои мубориза бо буҳрони вобаста ба коронавирусро дар Россия арзёбӣ намуд. Ба гуфтаи вай, чунин иқдомот, аз қабили пардохтҳои мустақим ба оилаҳои фарзанддор, зиёд кардани кумакпулӣ барои бекорон, лағви пардохтҳои андоз, ҷойгиркунии фармоишҳои иловагӣ барои корхонаҳои соҳаҳои асосӣ ва як қатор чораҳои дигар «ҳадафрас буданд.»

 

АКС аз Depositphotos

Июль 21, 2020 10:19

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид