Омодагиҳо ба маъракаи барӯйхатгирии аҳолӣ ва фонди манзил дар сатҳи баланди ташкилӣ идома доранд

Июль 30, 2020 15:34

ДУШАНБЕ, 30.07.2020 /АМИТ «Ховар»/. Омодагиҳо ба маъракаи муҳими  сиёсӣ-барӯйхатгирии аҳолӣ ва фонди манзили Ҷумҳурии Тоҷикистон, ки санаи баргузории он аз 1 то 15 октябри соли 2020 муқаррар гардидааст, дар сатҳи баланди ташкилӣ идома доранд. Чунин иброз намуд директори Агентии омори назди Президенти Ҷумҳурии Тоҷикистон  Гулнора Ҳасанзода зимни нишасти матбуотӣ.

Мавсуф  зикр кард, ки дар давоми шашмоҳаи  аввали соли 2020 Агентии омори назди Президенти Ҷумҳурии Тоҷикистон дар ҳамкорӣ бо мақомоти маҳаллии омор дар шаҳру ноҳияҳо, мақомоти иҷроияи ҳокимияти давлатӣ дар маҳалҳо, намояндагии Хазинаи нуфуси СММ ва дигар вазорату идораҳо ҷиҳати дар сатҳи баланд гузаронидани барӯйхатгирии аҳолӣ ва фонди манзили Ҷумҳурии Тоҷикистон дар соли 2020 як зумра корҳоро ба сомон расонид.

Дар ин давра “Дастур ба мақомоти маҳаллии омор дар бораи тартиб додани рӯйхати биноҳо (хонаҳои истиқоматӣ ва ғайриистиқоматӣ бо назардошти ҳуҷраҳо (квартираҳо) дар маҳалҳои шаҳрӣ ва деҳот, барои гузаронидани барӯйхатгирии аҳолӣ ва фонди манзили Ҷумҳурии Тоҷикистон дар соли 2020” ва “Дастурамал дар бораи тартиб додани рӯйхати биноҳо (хонаҳои истиқоматӣ ва ғайриистиқоматӣ бо назардошти ҳуҷраҳо (квартираҳо) дар биноҳои бисёрҳуҷрадор) дар маҳалҳои шаҳрӣ ва деҳот” омода карда шуд.

Инчунин моҳҳои март-апрели соли 2020 барои сардорони раёсат, шуъба ва бахшҳои Агентии омору МД “Маркази кулли ҳисоббарорӣ”-и Агентӣ, роҳбарони мақомоти омори маҳаллӣ ва кормандони масъули барӯйхатгирӣ дастурдиҳии омӯзишӣ вобаста ба тартиб додани рӯйхати биноҳо (хонаҳои истиқоматӣ ва ғайриистиқоматӣ) гузаронида шуд.

Тартиб додани рӯйхати биноҳо (хонаҳои истиқоматӣ ва ғайриистиқоматӣ дар 2 марҳила (марҳилаи 1 аз 6 то 20 апрели соли 2020 дар шаҳри Душанбе, шаҳру ноҳияҳои вилояти Суғд, шаҳри Ҳисор ва ноҳияҳои Варзобу Рӯдакӣ) ва марҳилаи дуюм аз 6 то 20 июли соли 2020 дар дигар манотиқи ҷумҳурӣ идома ёфт. Дар заминаи маълумоти бақайдгирӣ миқдори зарурии кормандони марҳилаи асосии барӯйхатгирӣ (сардори шуъбаи барӯйхатгирӣ, ёрдамчии сардори шуъба, дастурдиҳанда-назоратчӣ, ҳисобчӣ) аниқ карда шуда, ноҳиябандӣ дар асоси нақшаи схематикӣ ва маводи зарурӣ муайян карда мешавад.

Барои тарғибу ташвиқи аҳолии Ҷумҳурии Тоҷикистон оид ба аз 1 то 15 октябри соли 2020 баргузор гардидани Барӯйхатгирии аҳолӣ ва фонди манзили Ҷумҳурии Тоҷикистон дар ҳамкорӣ бо Хазинаи нуфуси СММ ва Ҳукумати Федератсияи Россия, корҳои омода намудани намунаи маводи таблиғотӣ, аз ҷумла банерҳо, плакатҳо дар варақаҳои андозаи гуногун омода карда шуда, барои чоп пешниҳод карда шуданд.

Июль 30, 2020 15:34

Хабарҳои дигари ин бахш

Дар Вазорати меҳнат, муҳоҷират ва шуғли аҳолӣ бахшида ба иди касбӣ маҷлиси тантанавӣ баргузор гардид
Сокинони Турсунзода ҷашни бузурги Садаро ба ҳамдигар шодбош гуфтанд
Дар шаҳри Петрозаводски Карелия ҷиҳати пешгирӣ аз амалҳои номатлуби ҷомеа бо ҳамватанонамон вохӯриҳо доир шуданд
Сокинони Хатлонзамин ҷашни Садаро дар рӯҳияи баланди арҷгузорӣ ба мероси маънавии ниёгон таҷлил намуданд
Дар шаҳраки Шӯроби Исфара хатти оби тозаи нӯшокӣ кашида шуд
ШАРАФБОХТАГОН ДИГАР ШАРАФИ БОВАР НАДОРАНД! Муроҷиатномаи ҳамватанони бурунмарзӣ оид ба филми мустанади «Бешарафӣ»
Ҳангоми ворид шудан ба масҷид намозгузорон бояд кадом қоидаҳои беҳдоштиро риоя кунанд?
Абдураҳмон ХОНЗОДА, роҳбари дастгоҳи ҲХДТ: «Силсилафилми «Хиёнат» ниқоб аз чеҳраи воқеии хиёнаткоронро бардошт»
Бо саҳми вакили Маҷлиси вакилони халқи Исфара Абдулмумин Ҳалимов ҳаштумин трансформатор мавриди истифодаи сокинон қарор гирифт
ШИРРӮҒАН-ТАОМИ ҶАШНИ САДА. Барои омода намудани он занон аз фасли тирамоҳ равған захира мекарданд
НОСЕҲИ НОРОСТХӮ. Вакили Маҷлиси намояндагон Гулбаҳор Назирӣ роҷеъ ба хиёнат ва риёи Муҳаммадиқбол дар филми мустанади «Бешарафӣ»
Вазорати корҳои дохилии Россия ва ҳукумати Москва ҷалби муҳоҷиронро аз Тоҷикистон ва Ӯзбекистон барои кор ташкил мекунанд