Вазорати мудофиаи Россия 8 тонна таҷҳизотро барои мактабҳои россиягӣ дар Тоҷикистон интиқол дод

Июль 28, 2020 12:23

ДУШАНБЕ, 28.07.2020 /АМИТ «Ховар»/. Вазорати мудофиаи Россия интиқоли тақрибан 8 тонна таҷҳизот ва амволи заруриро барои таъминоти ғизоии хонандагони синфҳои ибтидоии  мактабҳои россиягӣ дар Тоҷикистон таъмин намуд. Ба иттилои ТАСС, дар ин бора рӯзи сешанбе хадамоти матбуоти Округи ҳарбии марказӣ (ОҲМ) хабар додааст.

«Тақрибан 8 тонна таҷҳизот ва амвол ҷиҳати  таъмини хӯроки ройгон барои хонандагони синфҳои 1-4 – и мактабҳои Вазорати мудофиаи Федератсияи Россия дар Тоҷикистон оварда шуд», — омадааст дар хабар.

“Зикр шудааст, ки таҷҳизоти мазкур барои ошхонаҳои мактабҳои №4 ва №6, воқеъ дар шаҳрҳои Душанбе ва Бохтар таъйин шудааст. Тибқи иттилои хадамоти матбуот, низомиёни Россия зарфҳои ошхона, плитаҳои барқӣ, дегҳо, товаҳо, яхдонҳо, инчунин пароконвектоматҳо — таҷҳизоти касбии гармкунанда, ки таҳияи ҳама намуди хӯрокро дар муддати кӯтоҳ таъмин мекунад,  овардаанд.

ОҲМ хабар медиҳад, ки тибқи нақша то 1 сентябри соли 2020 мактабҳои россиягии Вазорати мудофиаи Россия дар Тоҷикистон бояд беш аз 500 хонандаи синфҳои ибтидоиро бо хӯроки гарм таъмин кунанд.

                                     АКС: tj.sputniknews.ru

Июль 28, 2020 12:23

Хабарҳои дигари ин бахш

Дар Узбекистон муҳлати ваколати Президентро аз 5 ба 7 сол тамдид мекунанд
Густаво Петро дар интихоботи президентии Колумбия пирӯз шуд
Дар Қасри сафед тасдиқ карданд, ки Ҷо Байден ният дорад номзадии худро маротибаи дуюм пешбарӣ намояд
Узбекистон тартиби вуруди шаҳрвандони хориҷиро осон менамояд
Президенти нави Амороти Муттаҳидаи Араб интихоб гардид
Президенти Амороти Муттаҳидаи Араб Халифа бин Зоид Оли Наҳён аз олам даргузашт
Дар Чин ҳавопаймо бо 122 мусофир оташ гирифт
Артиши Масъуд се ноҳияи Панҷшерро тасарруф намуда, толибонро асир гирифт
Дар Сербия пирӯзии Александр Вучичро дар интихоботи президентӣ расман эълон карданд
Эммануэл Макрон дар интихоботи Фаронса пас аз ҳисоби садфоизаи овозҳо пирӯз шуд
ДАР ФАРОНСА — БОЗ ХУРУҶИ ЗУКОМИ ПАРАНДА. АМИТ «Ховар» ёдовар мешавад, ки ин чӣ гуна вирус аст
Oxfam: таваррум 260 миллион нафарро дар фақри шадид қарор медиҳад