Ҷавонони фаъоли шаҳри Душанбе қадрдонӣ гардиданд
ДУШАНБЕ, 13.08.2020 /АМИТ «Ховар»/. Дирӯз бо ташаббуси Раёсати кор бо ҷавонон ва варзиши шаҳри Душанбе ва дастгирии Раиси шаҳр муҳтарам Рустами Эмомалӣ бахшда ба Рӯзи байналмилалии ҷавонон дар Муассисаи таҳсилоти миёнаи умумии №6 — и ноҳияи Исмоили Сомонӣ ҳамоиш доир гардид. Дар он гирандагони стипендияи президентӣ, стипендияи Раиси шаҳри Душанбе, ғолибони олимпиадаҳои ҷумҳуриявию байналмилалии фаннӣ ва ҷавонони фаъоли гуногункасби пойтахт иштирок доштанд. Дар ин бора аз Раёсати кор бо ҷавонон ва варзиши шаҳри Душанбе ба АМИТ «Ховар» хабар доданд.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода аз дастовардҳои ҷавонон, хусусан ҷавонони пойтахт дар зарфи 29 соли соҳибистиқлолии мамлакат сухан карда, зикр намуд, ки ҷавонони мо имрӯз аз зумраи саодатмандтарин насле мебошанд, ки даврони ҷавонии онҳо ба чунин айёми зебову нусрат ва тинҷиву амонӣ рост омадааст.
“Имрӯз агар мо ба нақшу саҳми ҷавонони тоҷик дар тамоми ҷодаҳо назар андозем, бо боварии комил ва сарфарозӣ гуфта метавонем, ки ҷавонони мо бо сифатҳои олитарини инсонӣ, яъне дарки масъулияти баланд, иродаи мустаҳкам, садоқату муҳаббати ватандорӣ исбот намудаанд, ки роҳи интихобкардаи онҳо дар масири ватандориву ватанхоҳӣ сафеду рахшон аст”,-гуфт мавсуф.
Сардори Раёсати кор бо ҷавонон ва варзиши шаҳри Душанбе Шоҳзод Раҳимзода баён дошт, ки бо дастгириҳои падаронаи Асосгузори сулҳу ваҳдати миллиӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва таваҷҷуҳи хоссаи Раиси шаҳри Душанбе муҳтарам Рустами Эмомалӣ дастовардҳои беназири сатҳи ҷумҳуриявию байналмилалӣ барои ҷавонони шаҳри Душанбе рӯйи кор омада, шароити мусоиду арзанда дар ҳама самтҳои фаъолияти ҷавонон, махсусан самтҳои иҷтимоию иқтисодӣ, фарҳангию фароғатӣ, оммавию варзишӣ ва сиёсӣ фароҳам оварда шудааст. Ҷавонон аз ин дастовардҳо самаранок истифода намуда, барои ояндаи дурахшони худ малака касб менамоянд.
Дар фарҷоми ҳамоиш ҷавонони фаъол ва волонтёрони шаҳри Душанбе бо Сипоснома қадрдонӣ гардиданд. Ҳамчунин ба хотири болидарӯҳии ҷавонон барномаи рангини фарҳангию фароғатӣ баргузор шуд.
«СУЛҲОФАРӢ-МАРОМИ СИЁСАТИ БАШАРДӮСТОНАИ ПЕШВОИ МИЛЛАТ». Таҳти ин унвон ҳамоиш доир шуд
Ба кӯдакони ятим ва ниёзманди ноҳияи Ёвон кумак расонида шуд
Ҷаласаи якуми Шурои ҷамъиятии «Занони Тоҷикистон» баргузор гардид
«ЭМОМАЛӢ РАҲМОН — ПЕШВОИ СУЛҲОФАР». Таҳти чунин унвон ҳамоиш баргузор гардид
«ЗАНОН — ДАР МЕҲВАРИ ПАЁМ». Дар Душанбе ҳамоиши занону духтарон баргузор гардид
Кумитаи ҳолатҳои фавқулода ва мудофиаи гражданӣ аз ронандагон хоҳиш менамояд, ки пеш аз сафар вазъи роҳҳоро омӯзанд
IRS: Ҳаракати тамоми нақлиёт дар роҳи мошингарди Душанбе- Чанок таъмин аст
Раванди ислоҳоти низоми тандурустӣ то соли 2030 баррасӣ гардид
МАСЛИҲАТИ МУТАХАССИС. Омилҳои пайдоиши диабети қанд ирсӣ, фарбеҳӣ ва фишорбаландӣ мебошанд
Оид ба барномаи ислоҳоти маблағгузории тандурустӣ вохӯрӣ баргузор шуд
Доир ба нақши мероси тамаддунҳои бостонӣ дар ташаккули давлатҳои муосири миллӣ конференсияи илмӣ баргузор шуд
Дар Душанбе намоиши ҷойҳои кории холӣ ва имкониятҳои нави шуғл баргузор гардид
