Беш аз 220 нафар шаҳрвандони Тоҷикистон аз Қазоқистон ба Ватан оварда шуданд
ДУШАНБЕ, 17.08.2020 /АМИТ «Ховар»/. Дирӯз дар партави дастури Ҳукумати Ҷумҳурии Тоҷикистон 221 нафар шаҳрвандони Ҷумҳурии Тоҷикистон, ки бино бар баста будани марзҳо дар гузаргоҳи «Жибек Жоли»-и сарҳади давлатии Ҷумҳурии Қазоқистон бо Ҷумҳурии Ӯзбекистон муваққатан дармонда буданд, бо нақлиёти автомобилӣ ба Ватан баргардонида шуданд. Дар ин бора АМИТ «Ховар» бо истинод ба Вазорати корҳои хориҷии ҷумҳурӣ хабар медиҳад.
Ба иттилои манбаъ, иқдоми мазкур дар ҳамкорӣ бо мақомоти марбутаи Қазоқистону Ӯзбекистон, инчунин Намояндагии минтақавии Созмони байналмилалии муҳоҷират дар Осиёи Марказӣ амалӣ гардид.
Тавре қаблан иттилоъ дода будем, 10 август 182 нафар шаҳрвандони Ҷумҳурии Тоҷикистон тариқи парвози махсуси ширкати ҳавопаймоии «Сомон Эйр» аз Алмато ба Душанбе баргардонида шуданд.
Бояд гуфт, ки аз 16 марти соли 2020 бинобар эълон гардидани вазъияти фавқулода дар Қазоқистон ва ҷорӣ шудани чораҳои маҳдудкунанда дар Ӯзбекистон бар асари пандемияи COVID-19 барои ворид шудан ба ҳудуди ин ду давлат маҳдудиятҳо ҷорӣ шудаанд.
Тибқи иттилои Вазорати корҳои хориҷӣ, бо дастур ва супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар давраи пандемияи COVID-19 тақрибан 17 ҳазор нафар шаҳрвандони Тоҷикистон, ки бо сабаби қатъ шудани парвозҳои байналмилалӣ дар кишварҳои хориҷӣ дармонда буданд, ба Ватан оварда шуданд.
Дар Теҳрон машваратҳои сиёсии Тоҷикистон ва Эрон баргузор гардид
Дар Женева ҳамкории Тоҷикистон дар доираи Конвенсияи Рамсар доир ба мавзеъҳои обию ботлоқӣ баррасӣ шуд
Дар Ню-Йорк ҳамкории Тоҷикистон бо Хазинаи нуфуси Созмони Милали Муттаҳид баррасӣ шуд
Тавсия ба шаҳрвандони Тоҷикистон, ки мақсади сафар ба Ҷумҳурии Қазоқистон доранд
Ташаббуси Президенти Тоҷикистон оид ба эълони Рӯзи байналмилалии морхӯр дар воситаҳои ахбори оммаи Швейтсария тарғиб гардид
Ташаббусҳои ҷаҳонии Пешвои миллат дар соҳаи об, тағйирёбии иқлим ва ҳифзи пиряхҳо дар маҷаллаҳои нашриётӣ ва электронии Покистон инъикос гардиданд
Аз натиҷаи кори Саммити Созмони ҳамкории исломӣ Эъломияи Банҷул қабул карда шуд
Дар Теҳрон машваратҳои консулии вазоратҳои корҳои хориҷии Тоҷикистон ва Эрон баргузор шуданд
Дар Душанбе вохӯрии гурӯҳҳои корӣ оид ба аломатгузории сарҳади давлатии Тоҷикистон ва Узбекистон баргузор гардид
Покистон ба ташаббусҳои Роҳбарияти олии Тоҷикистон дар самти таъмини об ва энергияи сабз дар ҷаҳон баҳои баланд медиҳад
Тоҷикистон ва Арабистони Саудӣ масъалаҳои мавриди таваҷҷуҳи муштаракро баррасӣ намуданд
Ҳайати Тоҷикистон дар ҷаласаи вазирони корҳои хориҷии Созмони ҳамкории исломӣ иштирок намуд
